Page 25 - 08j24

DIALUNA 8 JANUARI 2024 DIARIO PAGINA 25

Ya caba por mira e Lora bishitando algun hardin

ORANJESTAD (AAN): Hopi bunita pa mira nos parha nativo, esta ‘Lora’ back den nos
naturalesa despues di tanto tempo, pero semper recorda e meta final pa conservanan. E potret
aki ta saca na un cas den distrito di Santa Cruz, hopi cerca di Parke Arikok.
Con abo por yuda conserva nan? Ata aki algun conseho di Parke Nacional Aruba.
(*) Respeta e Lora y mantene distancia.
(*) Mantene pushi of cacho na un distancia di e Lora.
(*) No cria y tampoco no purba di captura e Lora! Pasobra esaki lo viola e ley cu ta proteha
e especie di parha aki.
Keda vigilante y si mira e Lora, porfabor raporta esaki via Whatsapp na FPNA su Wildlife
Hotline na 592-4476 of manda un email na info@arubanationalpark.org y ban Ban tuma accion
pa proteha y preserva nos parhanan nativo pa generacionnan benidero.
E potret aki ta pa cortesia di Parke Nacional Aruba, via Richella Betrian.