Page 66 - ATA

KVK a reuni cu Prome Minister Wever

pa trata situacion economico

Posted on 04/17/2018 6:15 pm AST | Updated on 04/17/2018 8:08 pm AST

ORANJESTAD – Manera ta conoci, miembronan di directiva di Camara di Comercio y
Industria di Aruba (KvK) a reuni cu Minister Presidente Evelyn Wever-Croes durante cua
a elabora riba diferente topico pa stimula economia y comercio di Aruba.

Según KvK e ta un grato placer pa ricibi e invitacion pa sinta cu e Premier y di e forma
aki contribui na e desafionan cu e gobierno actual tin cu maneha y logra surpasa. KvK en
particular ta mustra su preocupacion encuanto e situacion financiero di pais Aruba. Pa e
situacion dificil aki gobierno mester bay tuma algun decision cu no ta facil pero si
necesario. Premier a indica cu gobierno tin bista riba nan propio gastonan y un di e post
mas grandi ta esun di gastonan di personal. E parti di reduci personal mester bay na un
forma structural y prudente.

Recientemente, KvK a haci un curso di “Corporate Governance” y Premier ta haya cu
esaki ta algo hopi importante cu tur compania mester haci pa asina aki por mustra
integridad, y tambe ta pensa cu gobierno tambe lo mester por organisa algo similar pa
companianan estatal. KvK a sugeri cu pa e parti di ‘Corporate Governance” mester di
personanan cu ta “business-minded” y integro.