Page 27 - MIN VOS
P. 27
GRUPO DI TRIO FEMENINO
A CLASIFICA PE WEGANAN
CENTRO AMERICANO Y
CARIBE BARANQUILLA 2018
editor
POSTED ON JULY 05, 2017, 8:42 PM
4 MINS
POST VIEWS: 5
ORANJESTAD, Aruba
Despues di a bataya fuerte den bowling na Guatemala
Seleccion Nacional di Bowling a biaha pa Guatemala y a participa na e torneo di
Confederacion di Bowling Centro Americano y Caribe dianan 24 di juni pa 2 di Juli 2017. E
torneo aki tabata importante pasobra e miho 10 paisnan ta clasifica directamente pe
Weganan Centro Americano y Caribe Baranquilla 2018. A participa un total di 17 pais di
Centro Americano y Caribe. Tanto seleccion femenino y masculino a logra clasifica
directamente pa Weganan CAC 2018.
E seleccion nacional di Aruba tabata forma pa Jason Odor, Yannick Roos, Renald Thiel,
Errol Brown, Oswaldo Dijkhoff y Valentino Jacobs den categoria masculino, mientras
categoria femenino tabata forma pa Kamilah Dammers-Nadal, Thashaina Seraus, Jeadine
Luidens, Shakaina Querrero, Giaira Arends y Betiza Koolman. Hunto cu e hungadonan di
bowling a bay e delegado y coachnan Alexander Biesum y Rita Lopez-Henriquez y
assistent Anthony Tjin Kon Fat. Tur dos team den diferente categoria a duna tur loke ta por
den condicionnan dificil cu tabata un poco sorpresa pe hungadonan di bowling.
