Page 9 - MIN VOS

E team di Train Hard Fight Smart di Brazil Taekwondo
Stichting a logra gana dos oro, un plata y un brons na

Chuncheon Korea Open

Thursday, 06 July 2017 14:24
1
Comparti

Despues di a train un siman hunto cu Henk Meijer na Korea, diahuebs dia 6 di Juli e team di Brazil
Taekwondo Stichting a participa na e Chuncheon Korea Open International Taekwondo Championships
2017.

E team tabata tin basta tempo ta prepara na Aruba pa e evento aki y awor por mira nan logro di dos Oro,
un Plata y un Brons. E atletanan cu a participa na Chuncheon Korea Open ta Danon Delamore, Joshua
Klabér, Zahyon Klabér y Jourdé Klabér. Danon Delamore no a yega mas leu cu medaya di Brons. Joshua
Klabér den final a mustra mucho respet pa su contrincante for di Uzbekistan y mester a keda satisfecho
cu su medaya di Plata. Záhyon Klabér si no a mustra niun respet pa su contrincantenan y a logra yega te
final y gana su medaya di Oro dunando bon bataya. Jourdé Klabér cu niun hende no a spera cu e lo yega
te final, tog a logra di yega te final, esaki tabata un sorpresa pa tur hende, Jourdé Klabér a domina tur su
peleanan y a logra gana su medaya di Oro. Henk Meijer a biaha for di Hulanda pa train y coach e team di
Brazil Taekwondo Stichting y a spera hopi mas for di e team.

Awor cu e campeonato ta tras di lomba e team ta bay Seoul pa sigui cu training pa asina ta mas fuerte y
bon prepara pa e Pan Americano na Costa Rica, pasobra Záhyon Klabér a clasifica caba. Pabien na e
atletanan di Brazil Taekwondo Stichting y danki na Henk Meijer cu semper tey pa e atletanan di Brazil
Taekwondo Stichting, Alex Croes di Giannis Nutrition Center y e trainer korps di Brazil Taekwondo
Stichting.