Page 93 - MIN VOS

Futbol ta crea muhernan cu caracter

Wednesday, 05 July 2017 18:28
1

Comparti

Hende muher ta hungando futbol desde existencia di e deporte. E prome wega graba na Inglatera ta data
desde 1892. Tin mas evidencia di esaki asta hopi prome cu e temporada aki mes.

Nos team Nacional ta orguyoso di por introduci nos team damas den competencia 2017 – 2018; un team
dinamico di futbol femenino. Asina aki nos ta yuda Aruba henter desaroya nan abilidad den deporte,
ademas di engrandece e salud di nos ser femenina. Nos mester tin un pueblo saludabel fisicamente,
mentalmente y social. Specialmente nos hubentud. Nos team di damas Nacional su programa ta pa siña
no solamente e tactica y tecnica di e deporte sino tambe con pa hunga y actua den cualkier ambiente
competitivo. Nos ta encurasha nos atletanan pa ta creativo y tuma riesgo di formacion personal pa crea
confiansa den nan mes y kibra tur barera cu nan por tin. Pa cu esaki nos team ta orguyoso di por conta
den e dianan aki cu 2 profesional den futbol di damas pa asina yuda nos mas ainda ariba e tereno aki.

Cu satisfaccion enorme nos kier presenta na Aruba henter, specialmente na e ser femenino: Soraya
Verhoeve y Elise Meijerink. Soraya ta hunga pa e team di Ajax y Elise ta hunga pa SC Heerenveen. Henter
pueblo di Aruba, especialmente TUR nos sernan femenino ta cordialmente invita pa pasa y join nos team
dinamico tur dialuna, diaranson y diabierna. For di 7.30 – 9or di anochi ariba nos veld na Alto Vista.
Sigur nos ta cla pa duna tur informacion necesario. Persona di contacto: Olga Rodriguez whatsapp 592-
8748. Sernan femenino ban demostra cuanto nos por! Y sinti orguyoso di forma parti di un team
dinamico……y mas cu tur cos sinti BON di ta super saludabel!!!