Page 13 - FDLP

Diasabra, 16 November 2019
Historia haci durante Aruba Open Beach Tennis 2019
Aruba a yega final pa prome biaha den Nations Cup
AWEMainta 27
POR a tuma nota di un alegria inmenso, no unicamente
riba e hungadornan nan cara, sino riba cada un local cu
tabata presente, ora Aruba ta gana Brazil, e campeon-
nan di 2018 pa loke ta Nations Cup 2019. Cu e victoria
ey, Aruba automaticamente a pasa pa prome biaha den
historia di Aruba Open Beach Tennis, pa un final.
P’e ultimo añanan Aruba ta logra yega te semi-finals,
pero nunca ta logra vence nan contrincante p’asina por
hunga e final. Esey tabata un soño di cada un di e hun-
gadornan, pa por hunga un final, durante un torneo asi-
na grandi, y na cas. Esaki a pasa diahuebs anochi
Despues di cu e ekipo di damas a cay venci contra Brazil,
a keda e team masculino pa segura un victoria p’asina
bay un set decisivo cu e mixed team.
Aksel y Sander a percura p’esaki y a habri caminda pa
Dominique Hopman subi veld bek cu Aksel Samardzic,
pa haci lo maximo pa gana pa bay final. Despues di un
bataya duro, nan soño a bira realidad, pues di hunga
final di Nations Cup. E celebracion tabata grandi.
No a tarda hopi, cu e dos teamnan cu a disputa e final
a subi veld. Aruba contra Italia pa wak ken lo bay cu e
titulo di campeon.
Bo por a sinti e energia, no unicamente riba veld, pero
tambe rond di e veld. Tur cu tabata presente a presen-
cia un tremendo wega, pero lamentablemente e ekipo
di Italia tabata demasiado fuerte y asina aki ta gana
Aruba.
Cu e resultado aki, nos por unicamente aproba, cu nos
hungadornan local ta riba e bon caminda. Cu nan por
mira e resultado di tur nan esfuerso cu nan ta hinca den
e deporte aki, pa nan ta bon prepara p’e tipo di even-
tonan grandi asina aki.
E potretnan mes ta refleha e alegria riba cada un nan
cara. Nos Sarah Quita Offringa, campeon mundial den
surfing tabata tin e honor di entrega premio n’e ekip-
onan
Pa mas información riba weganan, por bishit nos web-
site na www.arubabeachtennisopen.com