Page 5 - HOH

DIABIERNA 12 APRIL 2024 DIARIO
Directo di AZV, Edwin Jacobs:
Embehecemento ta bay
trece cu ne cu mas hende ta
bay tin mester di cuido
ORANJESTAD (AAN): Edwin Jacobs, Director
di AZV a indica cu ta premira cu e crecemento eco-
nomico ta bay ta menos. No ta bay keda conoce e
mesun crecemento cu tabata conoce na 2023 y na
2024.
El a manifesta cu turismo ta draai economia
di Aruba, pero e crecemento cu tin den turismo no ta
mira den e area aki di e fondo di seguro.
Jacobs a duna di conoce cu esnan cu ta traha
cu e modelo di analisis a tene cuenta cu e proyectonan
di hotel cu tin den plan. A tuma diferente proyecto
na cuenta pa wak cuanto trahado extra ta bin adicio-
nal y ta premira cu e crecemento economico ta bay
ta menos. Ta bay sigui crece, pero e gastonan ta bay
sigui aumenta mas rapido di loke e entrada ta crece,
a enfatisa.
“Si nos pensa cu nos ta bay baha e gasto, n’
ta berdad”. Esey ta un bon remarke cu Secretario di
Estado tambe a trece dilanti, Jacobs a señala.
Embehecemento ta bay trece cu ne cu mas
hende ta bay tin mester di cuido. Combina cu estilo
di bida cu tampoco ta contribui na esey, e gastonan
ta bay ta bay sigui subi, a bisa.
Edwin Jacobs a laga sa cu a propone pa cada
aña haci un estudio di eficiencia den sector. E anja
aki e sector dental ta bay wordo studia, pasobra ta
kere cu tin espacio pa saca eficiencia den esey. Asina
mas y mas sector lo wordo analisa pa nan bira mas
eficiente.
El a enfatisa cu e cantidad di hende diabetico
no ta bahando. E cifranan ta sigui aumenta. E male-
sanan cronico ta bay sigui aumenta y tin cu prepara
pa cu esaki.
PAGINA 13
# Investigacion
— Capitulo 21 —
Categorianan cu a usa pa midi IPV
Skirbi pa: mr. dr. Alida ‘Lily’ Marval
E Tabel aki ta mustra e resultado di e top 15 tipo di manera di abuso identifica pa e
respondiente- nan. Manera por wak: 33,33% ta cay bou di Abuso di Control, 22.07%
ta ser categorisa como Abuso Emocional, y 13.53% ta cay bou di Abuso Fisico Leve
y Abuso di Control Financiero. E prevalencia di violencia físico tabata 14.71% loke
ta un di cada 7 persona y e prevalencia di violencia sexual ta 9.49% cu ta 1 di cada 11
respondiente. Blousa di golpi y heridanan ta consecuencianan
di violencia. Di e 660 hende muhe cu a contesta e preguntanan
tocante IPV, tin un total di 163 heridanan raporta cu ta varia di
golpinan, rasca, miembronan disloca, kima cu cigaria of otro
obheto, djente kibra, y miskraam (perdemento di e baby).
Golpinan: 16.56%; heridanan: 5.52%; kimamento: 1.42%:
heridanan profundo: 1.60%; heridanan interno: 2.45% y
miskraam: 8.59%.
Ora cu a puntra e hende muhenan cua comportacion a afec-
ta nan bienestar físico y mental, nan a indica cu 46.74% a ser
causa pa comportacion di nan ex-partner, y 28.26% causa
door di comportacion di nan casa/pareha.
E ora a puntra e respondientenan cuanto hopi e comportacion ey a afecta nan, riba
cua 37.35% a contesta: un tiki so, y 44.58% a contesta hopi mes. Riba pregunta 56 (di
e cuestionario): bo a yega di tin miedo di bo casa/pareha actual? 11.89% a contesta SI,
y 88.11% a contesta NO. Riba pregunta 57: indicando cuanto hopi? 19.05% a contes-
ta: apenas, 63.49% a contesta: tin biaha y 9.52% a contesta: (cas) Semper. Riba pre-
gunta 58: bo a yega di tin miedo di bo expartner? 23.17% a contesta: SI. 76.83%: NO
(N=114) Riba pregunta 59 indicando cuanto: 13.33% a contesta: un tiki, 44.17% a con-
testa Hopi; 7.50% a contesta: mi no sa y 2.50%: mi ta prefera di no contesta.
E frecuencia mas menciona riba e preguntanan tocante abuso fisico y sexual of
ponencianan ta: ¨un par di biaha¨ loke ta ser considera como un frecuencia basta halto.
Literatura cientifico ta menciona cu abuso frecuente ta haci e severidad di heridanan
bira pio.
Discusion:
Si compara resultado di golpi y heridanan leve y profundo y heridanan interno y
miskraam cu e resultado di abuso psychologico, ta notable cu e abuso psychologico tin
un percentage mas halto. Si considera tambe cu e literatura cientifico tocante e topico
aki ta menciona cu victimanan di VD/IPV ta menciona cu abuso psychologico ta ser
experiencia como esun cu ta haci mas daño, ta surgi e pregunta si no ta necesario di
cambia e escala di midi e diferente formanan di abuso.
Te dia di awe violencia psychologico no ta explícitamente castigabel na Hulanda. Na
e momento aki, ni polis ni Ministrio Publico NO ta registra abuso psychologico
apart/separa. Distingui entre abuso físico y psychologico ¨ta haci e registracion menos
precies, pasobra e margen di erornan/ foutnan ta bira mas grandi¨, tabata e contesta di
un minister riba preguntanan haci pa Parlamento Hulandes. ¨Ademas, e ta haci cu e
administracion ta bira mas grandi, loke ta haci e registracion aki, no deseable¨. Tin
hopi hende cu no ta di acuerdo cu e minister Hulandes aki.
Pero SI tin paisnan cu a introduci leynan contra ¨coercive control¨, loke ta nifica con-
trol exagera/excesivo. Esaki a causa mas demanda y detencion. Mas paisnan manera
Francia (2010), New Zealand (2018), Wales (2019), Scotland (2019) Irlanda y algun
estadonan di Australia (2018) y Merca (2019) tambe a introduci leynan contra control
excesivo of exagera (Haasnoot, 2021).