Page 13 - HOH 13 MARCH 2015

A hisa un boter di awa pa brinda pa nos riñonnan na Hospital

Thursday, 12 March 2015 18:10
Comparti

Precisamente riba diahuebs 12 di maart, ora cu henter mundo ta reflexiona riba dia internacional di
riñon, e Clinica di dialyse di Dr. Horacio E. Oduber Hospitaal a uni pa hunto brinda cu awa.
Henter siman Hospital a participa den forma activo na actividadnan rond di conscientisacion pa cuida
nos riñonnan.Julienne Panneflek, asistent zorgmanager di Clinica di Dialyse na Dr. Horacio E. Oduber
Hospitaal a conta cu durante e dia a duna un atencion adicional na e pashentnan di riñon. A organisa un
wega di bingo, a canta den forma di karaoke y asina pasa un rato masha agradabel. Ta importante pa
bebe awa, esey ta e mensahe di e aña aki. Julienne Panneflek a admiti cu nan mes trahando den e clinica,
cu ta atende pashentnan di riñon tur dia, hopi bes no ta corda pa bebe e cantidad di awa necesario pa dia.
Ta pesey nan a reuni un rato pa hunto haci un compromiso cu lo bebe 8 glas di awa tur dia, den un
esfuerso pa mantene nan riñonnan saludabel. E esfuerso pa conscientisa comunidad riba miho cuido di
nos riñonnan a bini for di tur angulo, pues tambe di Departamento di Salud Publico, ImSan, Kidneys
297, Wit Gele Kruis y AZV. Hunto cu Hospital a organisa un siman largo di eventonan cu enfoke riba
conscientisa pueblo riba biba un bida mas saludabel pa cuida nos riñonnan. A nota cu e aña aki e
esfuersonan a logra yega na un publico mas grandi, specialmente si mira cuanto hende a publica foto
bebiendo awa riba red social. "Esey mes tabata nos meta tambe y nos ta spera cu pa otro aña e
esfuersonan di conscientisacion bira mas grandi ainda", asina Julienne Panneflek a bisa cu un sonrisa di
satisfaccion riba su cara.