Page 4 - UTILITIES
P. 4
- 09/06/2017
Durante su bishita den Avicenastraat Prome Minister Mike Eman a pasa cerca famia
Leonardo, kendenan e conoce for di tempo e tabata hoben. P’esey e tabata un alegria
grandi ora cu e famia por a ricibi Mike Eman como Prome Minister na nan cas.
Eugene Leonardo tin hobbynan similar cu Prome Minister Mike Eman. E tabata core
‘Drag Racing’ y ainda ta practica Go-Kart. El a mustra e mandatario un copa grandi cu el
a gana como coredo di ‘Big Papito’, na aña 2000 na Corsou competiendo cu coredonan
internacional.
“Mi a cuminsa di chikito den e mundo aki. Prome mi tabata wak e caredanan scondi,
despues mi a cuminsa pa laba e autonan. Ora cu mi tabata grandi mi a siña y a bira
mecanico pa logra yega te na ‘head mechanic’. Tabata den e tempo ey cu un Mericano a
mira mi potencial como coredo y mi a bay scol na Merca pa siña maneha auto di careda”,
Eugene Leonardo a conta.
Esey ta un pasion tambe di Prome Minister Mike Eman y el a papia basta rato cu Eugene
di pasado y presente rib’e tema aki.
Na otro banda di cas di famia Leonardo, den Avicenastraat, ta cende e prome luz LED di
e caya cu pa mas di 40 aña no conoce iluminacion. Como parti di e programa Luz di
Bario, a haya importante pa ilumina e parti di e bario aki teniendo na cuenta cu den e
bario tin casnan pa 55+ cu ta aprecia esaki masha.
http://awemainta.com/prome-minister-a-topa-cu-amigonan-leonardo-durante-bishita-di-
bario/
