Page 24 - ATA

2 AWEMainta Diaranson, 27 December 2017

Caya grandi despues di dia di

compras tabata un berguensa

ESNAN cu a cana diadomingo mainta

den caya, a haya un bista masha mahos y

desagradabel.

Manera ta conoci, e dianan prome cu
Pasco, caya tabata completamente yen te

den oranan di anochi. Por bisa cu miles di

persona a pasa den centro di ciudad, haci-
endo nan ultimo compras. Den e dia aki,

algun persona a haya permiso pa pone

tent y bende cos di bebe y come.

Tabata tristo pa mira con sushi

e caya a keda, y no solamente
pa un hende local e tabata un

mahos bista, pero tambe
p’e bishitantenan di e.o. e

barco crucero cu tabata mara
den haf di Aruba.

Personanan cu no tira bista bon, lo por a

trompeca of slip riba pia di galiña y weso

di spareribs, barinan di sushi a pasa over,
papel, cups y tayo tira tur caminda, y un

cantidad di musca ta bula tur rond.

Te cu den oranan di merdia, e caya ta-

batin e aspecto. E departamentonan cu

ta duna permiso pa benta di cuminda of
cu ta responsabel pa limpiesa di cayanan

mester percura pa haci e caya limpi inme-
diatamente despues di un evento of mes-

ter controla cu esnan cu a haya permiso

pa benta di cuminda y bebida, ta laga e
caya completamente limpi e anochi mes

despues di e evento.

Tabata parce cu esnan cu a tira sushi, sim-

plemente abou, pasobra e barinan tabata
yen, no tin amor pa nos pais.