Page 16 - AWEMAINTA
P. 16
16 AWEMainta Diamars, 10 December 2019
Sketchnan (streetsketching) na Feria di Pasco lo ta gratis!
COMO invitadonan especial di Lebuinuskerk na Deventer, artistan-
an regional lo sketch portret di publico presente, durante mercado
di Pasco dia 12,13,14 and 15 di december, dirigi p’e famoso artista
Arubiano Gustave Nouel.
E artistanan, cada un den su mes estilo, lo haci hende contento cu
‘streetsketch’, manera ta ser haci na Paris, Madrid y otro cuidadnan
metropolitano.
Pero n’e mercado di Pasco aki na Lebuinus, hende por laga traha un
sketch promocional completamente gratis di nan mes, pero si nan
gusta esaki y nan kier tume, nan mes ta dicidi kico nan ta duna e
creador.
Asina tur hende ta contento, e artista ta haña aprecio /reconocimien-
to y e bishitante ta keda contento.
Despues di e contaco directo cu e artista, semper por duna comision
serio o bishita nan studio/atelier.
Tambe tin preparacion pa cuminsa na 2020 cu un sorto di Montmar-
tre pa ‘streetsketch’ na Deventer riba un plaza manera na Paris y
otro ciudadnan turistico.
Artistanan di region cu kier mas informacion of cu kier partici-
pa por tuma contacto cu Gustave Nouel via gn140154@gmail.com.
