Page 3 - AWEMAINTA
P. 3
Diamars, 10 December 2019 AWEMainta 3
< Continua di pagina 4
Tambe Lito Lacle, vocero di Polis a desmenti, cu tabatin un
explosion. Si Comandante di Bomberonan, Edward de Cuba
a confirma cu un di e boternan di cas tabatin un leak, te cu
a yama Centro di Alarma, pero pa motibonan inexplicable, e
operador a dal e telefon sera den su orea, enbes di tende pa-
kico ta pidi asistencia.
E leak di gas aki por t’e causa di e candela? Esey mester keda
investiga ainda. Expertonan ta bisa cu danki Dios no tabatin
un explosion, de lo contrario e caso lo por ta mas funesto.
Dos unidad di bombero a acudi n’e sitio pa yuda combati e
candela na Papilon 61-A. No por papia ainda si ta un candela
intencional y esey mester saca afo den e investigacion cu a
cuminsa di biaha. Mientras cu e reporteronan por a mira con
Polis a detene un persona, pa cual a cuminsa cu speculacion
di e persona aki, lo a causa e candela.
N’e momento aki ainda Cuerpo Tecnico di Cuerpo Policial
tabata ocupa cu e investigacion. E suseso aki a causa masha
dolor na famia, cu tin un morto a consecuencia di e candela
aki. E candela aki a kima e cas parcialmente.
Fuera di un cantidad di Polis, Bombero presente, algun
miembro di Ministerio Publico tambe a presenta n’e sitio.
