Page 21 - LOTTO

Lotto ta felicita San Nicolas Taekwondo Center cu nan di
nuebe campeonato nacional na memoria di e atleta Anashia

Murray(D.F.M)

Wednesday, 07 June 2017 16:51
Comparti

Diasabra ultimo e organisacion di taekwondo San Nicolas Taekwondo bou guia di e maestro Eric Barry a
organisa nan di 9 edicion di e campeonato nacional na memoria di e atleta Anashia Murray awe den felis
memoria. E campeonato tabata super exitoso y a conta cu un participacion grandi di 5 scol di taekwondo
di Aruba y hunto cu nan alumnonan den tur categoria.

Durante di e campeonato aki varios mucha a triunfa logrando e prome lugar unda na final Presidente di
St. Fundacion Lotto pa Deporte, Sr. Di Stefano Wernet RA a haci entrega di e respectivo premionan na
esnan cu a sobresali durante di e campeonato nacional di taekwondo. Esnan cu a triunfa cu e prome
lugar nos tin Sue Jean Kelly di Stichting Tiger Academy Aruba, Jeremiah Tjin di Brazil Taekwondo
Stichting, Shenelle Perez di Noord Taekwondo Center, Myron Adams di San Nicolas Taekwondo Center,
Zahyon Klaber di Brazil Taekwondo Stichting.

E scol di Brazil Taekwondo Stichting a keda eligi como e miho scol di e campeonato nacional. Un danki
sigur na Lotto, e Loteria di Aruba pa medio di Comision di Subsidio a yuda subsidia e 9 edicion di e
campeonato nacional organisa pa San Nicolas Taekwondo na memoria di e atleta Anashia Murray awe
den felis memoria. Cumprando weganan di Lotto, e Loteria di Aruba bo ta contribui na deporte riba nos
isla. Meta di e fundacion ta pa organisa loteria, cambia bida di su hungadonan y na mes momento inverti
den deporte local pa medio di donacionnan na e Comision di Subsidio.