Page 44 - MIN ECEM

14 AWEMainta Diabierna, 8 September 2017

Aruba Art Fair

cu di dos town

hall meeting

DIABIERNA ultimo, Aruba Art Fair a tene su
di dos Town Hall meeting pa informa e comunidad
tocante e evento di e aña aki. Den un ambiente
ameno y informal na Astoria Restaurant, organisa-
dor di Aruba Art Fair, Tito Bolivar, a recapitula e
evento di aña pasa y a comparti e ideanan p’e aña
aki, cu e grupo di artista, artesano y comerciantenan
presente.

E feria, cu tin como meta e promocion di arte y ar-
tistanan local y internacional pa medio di e exposi-
cion y benta di arte, a conta cu participacion di 150
artista aña pasa y alrededor di 10 mil bishitante.
Banda di e feria, cu ta dura 3 dia largo, Aruba Art
Fair a organisa 7 programa artistico, realisa 15
murals, esta murayanan cu a wordo transforma
completamente cu pintura, y a produci 15 video
cortico cu ta conta e storia y trabou di diferente
artista local.

“Mirando e exito di e evento y e impacto positivo
cu e tabatin riba e ciudad di San Nicolas, nos a
dicidi di sigui cu ne p’asina engrandece nos cultura
y stimula desaroyo na San Nicolas”, Tito Bolivar
a expresa.

Tur artista y artesano ta keda invita pa registra cu
nan trabou atrabes di e pagina di registracion riba
e website www.arubaartfair.com.
Despues di yena e formulario, cu ta inclui imagenan
di trabou recien haci, tur artista y nan trabou lo
wordo evalua p’e curatornan di e aña aki.

Bolivar a introduci curatornan Eduardo Valbuena
y Michiko Takatsu, cu tambe tabata presente n’e
Town Hall Meeting. Valbuena y Takatsu a hiba
palabra p’asina splica locual nan lo enfoca riba
dje durante e proceso di selecta e trabounan cu lo
wordo exponi den e galeria di e feria di arte e aña
aki.
Tito Bolivar a termina invitando tur artista den
diferente disciplina di arte manera pintura, sculp-
tura, fotografia y artesania, pa registra p’asina nan
trabou por wordo exponi y poni na benta durante
e 3 dianan grandi cu ta na caminda riba 13, 14 y
15 di october.

Mas detayes tocante e programanan artistico, com-
petencianan y murals cu lo wordo presenta e aña aki
lo wordo comunica pronto durante e lansamento
oficial di e Aruba Art Fair 2017.