Page 18 - ATA OCT 16,2015

Riu Palace Antillas a Celebra su Prome
Aniversario

Posted on 10/16/2015 12:51 am AST | Updated on 10/16/2015 12:53 am AST

ORANJESTAD - Riu Palace Antillas a celebra su prome aniversario riba diadomingo, 11 di
Oktober, cu un anochi special di cuminda, musica y entretenimento. E hotel a ricibi VIPnan for
di rond di mundo, incluyendo invitadonan special for di Inglatera, Escocia, Alemania, Spanja,
Hulanda, Brazil, Colombia y Argentina. Gerente General Juan Blanco, Gerente di Benta Shari
Sield y otro miembronan di e ekipo di RIU Palace Antillas tabata presente pa asina celebra e
ocasion special aki hunto cu e huespetnan di RIU, famia y amigonan. E Riu Palace Antillas Hotel
a habri su portanan pa prome biaha riba dia 11 di Oktober, 2014. Situa riba e playa di Palm
Beach, Aruba, e resort ta ofrece e ambiente Caribense di mas selectivo. Su servicio all-inclusive
solamente pa adulto ta ideal pa esnan cu ta buscando un experiencia exlusivo di vakantie unda
nan por relaha y sosega den un di e luganan mas trankilo y romantico riba e isla.Tocante RIU: E
cadena internacional di RIU a wordo funda na Mallorca pa famia Riu na 1953 como un
compania chikito di vakantie y awendia ainda ta e propiedad di e famia su di tres generacion. E
compania ta specialisa den resortnan di vakantie y mas di 70% di su establecimentonan ta ofrece
su servicio aclama di 'All Inclusive by RIU'. Cu e inauguracion di su prome hotel di ciudad na
2010, RIU ta expandiendo su variedad di producto cu su mesun linja di hotel di ciudad conoci
como Riu Plaza. RIU Hotels & Resorts awo tin mas di 100 hotel na 19 pais cu ta yama bon bini
na mas di 4 miyon huespet pa anja y ta provee trabou pa un total di 27,813 empleado. RIU
actualmente ta evalua como e di 30 miho cadena na mundo, un di esunnan mas popular den
Caribe, esun mas grandi na Spanja pa loke ta ganashi y e di tres mas grandi pa loke ta cantidad di
camber.

http://www.noticiacla.com/news/4171