Page 35 - AHATA

Aruba no solamente mester di un gobernacion segun nos sistema politico, pero lidernan
capaz di dirigi e barco Aruba na momentonan sumamente serio pa e pais.

E pregunta grandi ta si nos tin e lidernan den gobernacion, den Parlamento, den

Comercio, den Sindicato, den tur organisacion y den tur cas di famia.

Di curason nos ta desea cu esaki ta un realidad pero a base di nos sistema democratico,
mester presenta nos exigencianan directamente na organonan cu nos a eligi pa goberna

nos pais.

Ta e forma cu Aruba a keda riba pia den e crisis cu e conoce for di 2018 ora
situacionnan caotico financiero y economico a dal e pais, nos tin confianza cu nos por

enfrenta loke tin nos dilanti.

E forma cu gobierno Wever-Croes a profila su mes ta duna nos e confiansa cu nos tin
un capitan na timon y nos lo sigui tur desaroyo di acerca pa garantisa cu gobierno

actual ta cumpli cu e expectativanan di lider cu ta duna nos e confiansa cu e por sigui
haci su trabou na un nivel aceptabel segun nos reglanan democratico.

Nos lo vigila gobierno y parlamento di acerca pa analisa si nos por sigui conta cu e

calidad di gobernacion cu nos a yama liderazgo durante ultimo añanan.

Den Parlamento tin asuntonan sumamente importante pendiente. Na 2019 nos a
expresa elogio pa e forma cu Parlamento a wordo dirigi. Awor tres caso importante cu

tabata pendiente mester wordo atendi..

E prome ta e presupuesto cu mester ta base financiero pa nos sigui cana den futuro. E
mester di aprobacion di Parlamento pa por wordo ehecuta y sirbi como decision di e

pais riba tereno di gasto y entrada.

Serlimar a keda pendiente pero awor mester wordo trata pa defini con den e asunto aki
tambe tin entrada pa e compania cu mester atende asuntonan sumamente importante

manera nos ambiente y cambio di clima entre otro. E bienestar constitucional di Aruba
ta hancra den e ambiente cu e ser humano ta desaroya y ta tarea di gobierno pa
atende cu e asunto aki cu no ta cuminsa y termina cu negoshi.