Page 40 - ATA

Antoinette a gradua di Boston College na Massachusetts cu un Bachelor’s degree den
mercadeo. E ta casa cu dos yiu muher y ta disfruta di su tempo liber viahando cu su
famia y specialmente apoyando su yiu muhernan na pool mientras nan ta practica y
competi den nan deporte faborito di natacion.

Antoinette ta un ehempel briyante di un hende muher Arubiano cu a cuminsa su carera
como un hoben profesional riba e isla y a traha un carera internacional impresionante
debi na su trabao duro y determinacion fuerte pa crece. Esaki ta mustra cu maske cu e

ta bini di un isla chikito, su perseverancia a habri hopi porta pe internacionalmente y a
dune e oportunidad pa crece dentro di un compania multinacional.

Segun Antoinette, pa un hoben profesional ta exitoso, e mester ta ansioso pa siña

tocante diferente aspectonan di e industria di hospitalidad y turismo, como cu
crecemento lo bin naturalmente, “tur cos den bida lo bin na e momento corecto, y uno
mester traha duro, ta curioso, scucha y siña, tuma riesgonan y no tin miedo di puntra
pa ayudo. Mas bo sa, mas balor bo lo tin. Busca bo pasion y tuma e oportunidad pa

biaha rond di mundo, explora y expande bo fronteranan,” Antoinette a comparti.

Mirando pa futuro, Antoinette ta sinti su mes sumamente satisfecho cu e meta aki cu el
a alcanza den su carera y pa prome biaha no tin nada planea den su future inmediato.

E sa cu na cierto momento e lo kier regresa bek na su “Isla Feliz” y haya un manera pa
sigui cu su carera den Marriott.