Page 52 - ATA

ORANJESTAD (AAN): Diaranson mainta, Minister di Relacionnan Exterior di Hulanda
Stef Blok a reuni cu Conseho di Minister di Aruba. Durante e reunion cada Minister a

trece dilanti e areanan di desafio y prioridad cu nan ta enfrenta. A explora tambe e
posibilidadnan pa mas cooperacion cu e Minister encarga cu Relacionnan Exterior den
Reino.

Notable tabata cu e Minister di Relacionnan Exterior señor Blok a keda hopi impresiona

cu e plannan di Gobierno di Aruba pa trece bienestar bek pa nos pais como tambe cu
tur e trabaonan cu ta andando.

Despues di e reunion cu Conseho di Minister, a sigui un reunion priva entre Minister
President y su homologo Minister Blok. Den e reunion aki a bay mas den extenso riba e
preocupacionnan mas urgente actualmente.

A trata e tema di Venezuela y e embargo cu tin desde 6 di januari di e aña aki. Basa

riba esaki, Minister President di Aruba a splica kico e efectonan tabata ta pa Aruba
bisando tambe cu e comunidad di Aruba a ahusta basta lihe como cual no a sinti hopi
efecto di e embargo aki. E mandatario e expresa tambe cu e deseo ta keda pa drecha e

relacion entre e dos paisnan y normalisa e situacion.

http://www.diario.aw/2018/04/prome-minister-a-tene-reunion-cu-minister-di-relacionnan-exterior-di-
hulanda/

Prome Reunion Entre Mandatarionan Di Reino Den

2018 Exitoso

 Politica
- 06/04/2018