Page 74 - KPA_Neat

Accidente cu dos herido marduga na Hooiberg despues di
persecusion

Sunday, 25 June 2017 14:05
Comparti

Den oranan di marduga pasa di 4or a sosode un accidente banda di Dennis Bar na Hooiberg. Polis a duna e chauffeur
intruccion pa stop. E chauffeur masculino cu un dama den auto a opta pa nenga e ordo di Polis. A cuminsa core pa
Polis. Banda di e rotonde di Piedra Plat hasta a dal baricada benta abou.

Djey a sigui cora bay zuid pero banda di Dennis Bar a perde control na stuur y baha caminda brasa e palo di luz cu e
auto. E impacto tabata den banda di pasahero y e dama sinta scapa milagrosamente. Polis a pidi pa ambulance. Dos
ambulance a presenta. Nan a bay cu e dama y a test e homber pa mira si e ta bebi. E guy a supla y e tester a musta 0.
E chauffeur mes a admiti cu el a bebe alcohol. Probablemente e tester a faya. E auto no ta sirbi mas. Despues e
chauffeur tambe mester a bay den ambulance. E auto no tabata tin su papelnan na ordo y pesey e chaufeur a escohe
pa huy pa Polis cu consecuencia cu awor e lo cana na pia pasobra su auto no ta sirbi mas despues di e accidente.