Page 46 - AHATA

Tin problema serio den enseñansa y AVP a dirigi 7 peticion pa un reunion publico, pero
pa Gobierno esaki no ta importante y no ta wordo yama.

Fraccion di AVP ta pidi aclaracion riba e hecho di con presupuesto no a yega Parlamento
ainda pero ta mustra cu esey no ta importante y no ta yama e Minister bin duna cuenta.

Medidanan cu ta na caminda manera cu a sali publica den e raport di CAFT tampoco ta
importante pa Gobierno y tampoco ta yama un reunion riba esakinan.

Pero si ta importante pa yama un reunion p’asina crea un panico bou di comunidad, crea
e impresion cu AVP lo a laga debe atras cu pueblo tin cu paga y cu ta un desaster tabatin.

Sinembargo e raport cu a worrdo trata siman pasa no ta nada mas c’un raport pa bisa nos,
cosnan cu no por cambia den un proceso cu pa añanan largo nos a usa den e pais aki.

Tur hende ta corda cu Gobierno a sinta na november y a bin c’un presupuesto supletorio
y a participa cu nan ta bay renoba bestuurskantoor.

Unda e projectdossier ey ta? Unda e raport di impacto financiero di e proyecto ey
ta? Simplemente e no ta existi pa motibo cu e ta bin for di algemene middelen y loke tin
eynan ta un raport di DOW, un calculacion di DOW cuanto e proyecto aki ta bay costa y
Gobierno ta dicidi si e ta bay ehecuta esaki.

Proyectonan cu a wordo describi den e dossier siman ta fondonan cu ta sali for di FDA y
pa haci un proyecto via di FDA, bo mester tin un dossier caminda bo ta presenta kico bo
ta bay haci pa por haya e placa p’asina realisa e proyecto aki.

Ora kier papia di proyectonan manera Watty Vos Boulevard, manera hospital, manera
Green Corridor, ta proyectonan financia internacionalmente, pa banconan internacional y
si bo no tin un dossier, e proyectonan aki no ta wordo financia.

Caminda tin bagamunderia manera den Serlimar, cu bisiña ta haya proyecto sin cu
tabattin ningun destaho, sin cu tabatin nada y eynan ta caminda mester bay cuminsa tira
bista.

Manera nos a bisa den e reunion menciona di siman pasa, esaki ta un “smokescreen” pa
haya un excusa pa hustifica otro pakete grandi di medida cu ta na caminda y pueblo lo
bolbe sufri un inhusticia grandi na man di Gabinete Wever Croes,” lider di fraccion
Marlon Sneek a declara.