Page 16 - AM240919

16 DEPORTE AWEMainta Diahuebs 19 september 2024
DEPO R T E

deporte@awemainta.com
Futbol Aruba

Kico ta pasa ora un team no por

participa n'e campeonato

DIABIERNA awo tin tiramento di lot pa loke
ta trata e campeonato 2024/2025 organisa pa
AVB. Tin varios interogante ta circulando rond

tocante si un team pa un motibo of otro no por
participa na e campeonato. Kico ta pasa cu su
luga.

Tin rumor insistente cu tin un team cu a caba di
promove pa Division di Honor cu ta haciendo tur
cos posibel pa toch logra pone un bon team riba
veld, pero si nan no logra kico ta pasa cu nan

luga. Pues tin varios opcion y e den pasado tin
varios caso, caminda esun mas recien ta River
Plate cu a tuma e luga di Caiquetio pasobra e
ultimo aki a dicidi cu ta mihor nan keda den

Division Uno.

E tempo ey e campeonato tabata conoce un
solo fase. No tabatin loke ta conoci awe como e

Copa Oro y Plata. Den e copa plata tin dos team
cu a perde nan wega di promocion cual nan ta
Bubali cu a perde contra Santa Fe y Jong Aruba
cu a perde cu Unistars.

Ambos team ta para den e posicion cu lo por
subi, pero awo con bo ta dicidi cua ta subi y cua
ta keda. Si esaki pasa lo ta e prome biaha y AVB

no tin un formula concreto con pa dicidi esaki.
Un di e opcionnan lo ta hunga un wega entre e
dos teamnan, caminda e ganado lo promove na
luga di e team cu a sede su luga. E otro opcion

ta laga e campeonato di Division Honor draai cu
9 team enbes di 10 caminda un team lo tin un
siman liber.

Pues ta di mira si e team encuestion lo logra toch
pa participa of kico lo pasa, si nos lo haya un
juego decisivo entre e eterno rival nan di Noord
pa wak cua ta subi y cua ta keda Division Uno of

si AVB lo dicidi di laga e campeonato sigui cu 9
ekipo.