Page 6 - WEB

PRIORIDADNAN CORECTO
E motibo primordial dicon nos lo conoce un rebaho di coriente ta e liderazgo honesto y fihamento di
prioridadnan corecto di nos prome Minister sra. Evelyn Wever-Croes. A stop y kibra tur contractonan abusivo
cual bou di Mike Eman a alcansa 21 miyon florin pa aña.

For di inicio cu Gabinete Wever-Croes a asumi responsabilidad a vocifera cu Companianan Estatal mester
traha na bienestar di Aruba. Tur inversion cu un compania estatal haci mester resulta den un “return on

investment” pa cada ciudadano. Y e “return on investment” pa e ciudadanonan mester ta un rebaho di prijs di
coriente, cual aworaki nos lo conoce esaki na 2020.

PRIJS DI CORIENTE BOU GABINETE EMAN
Ta importante pa ilustra e desaroyo di prijs di coriente e ultimo añanan. Na 2009 Gabinete Eman I a hereda

prijs di coriente na 0.2713 cent pa Kilowatt. Apesar cu a uza masha hopi fondo di tur compania estatal y den
presupuesto no a logra baha prijs di coriente manera Mike Eman a priminti. Al contrario prijs di coriente a subi
bou liderazgo di Mike Eman na un averahe di 42.8% compara cu e prijs na 2009. Den e tabel compaña cu e

articulo aki por wak cu Mike Eman a subi prijs di coriente na 5 diferente momento bou su gobernacion.

PRIJS DI CORIENTE BOU EVELYN WEVER CROES
Gabinete Wever-Croes a hereda prijs di coriente na 0.3681 cent pa kilowatt, cual ta 35.7% mas hopi cu e
tawata na 2009. Importante pa menciona cu for di November 2017, ningun momento a subi prijs di corinete y

aworaki e prijs lo baha cu 10% bou liderazgo di sra. Evelyn Wever-Croes .

PA CONCLUI

Presupuesto 2020 lo conoce un surplus. Esaki ta marca un era nobo, un era di finanzas saludabel y un era di
bon gobernacion. Liderazgo di nos Prome Minister lo conduci na finanzas saludabel, un economia cu ta crece
(segun Banco Central), rebaho di nos desempleo (segun rapport di Departamento di Labor) y un turismo cu lo
sigui crece na 2020 cu 2.8%. Aworaki tambe nos por wak cu e maneho aki ta contagia nos companianan estatal
y pa prome biaha den hopi aña nos lo conoce un reduccion den tarifa di coriente.