Page 66 - MIN ON 12 APRIL 2016

renobacion di Colegio San Agustin na San Nicolas. Proyectonan cu ta cuminsando pronto ta construccion
di un edificio completamente nobo pa Prinses Amalia Basisschool hunto cu un gymzaal grandi y
moderno, situa patras di Colegio E.P.I na Oranjestad. Tambe lo cuminsa cu e prome fase di e Masterplan
pa ampliacion di Colegio San Nicolas (HAVO).
Di e forma aki por mira cu e maneho di enseñansa ta dunando su frutonan, tanto den renobacion y
ampliacion di e edificionan, como tambe den renobacion di e material educacional cu ta uza cu nos
alumnonan di varios nivel di enseñansa.

Open house di Universidad di Aruba a kibra tur record

Monday, 11 April 2016 16:46
Comparti

Universidad di Aruba ta sumamente contento cu e cantidad di studiantenan y nan mayor y famia cu a
bishita e 'open house’ diahuebs 7 di april ultimo.A base di e preguntanan por nota cu e interes ta hopi
grandi. Ta bunita pa nota cu e studiantenan di e diferente scol y mayor y otro interesado a bin pa haña sa
un poco mas tocante e diferente programa.
Remarcabel tawata cu entre e bishitantenan tawata tin studiante di voorexamen y derdeklas. Esey ta
indica cu nos futuro studiantenan ta prepara nan mes pa nan futuro. E ambiente tabata spectacular y tur
bishitantenan a sinti un caluroso bon bini. Muy en especial Universidad ta orguyoso cu tanto
studiantenan di e differente facultadnan tabata dispuesto pa bin y duna informacion hunto cu e docente.
Remarcabel ta cu tur sala tawata completamente yen. No tawata tin lugar pa pone bishitante. E programa