Page 73 - MIN ON 12 APRIL 2016
P. 73
Print Email
Entre tanto e di dos trimester di e aña escolar 2015-2016 ta tras di lomba. Pues ta momento pa
Colegio San Nicolas presenta e di dos rapport di su alumnonan na e mayornan. Manera mayornan
ya ta informa desde algun siman atras, e entrega di rapport 2 ta tuma luga riba diferente dia den e
siman aki. Aki ta sigui e schema di entrega di rapport.
Dialuna 11 di April: CB-1 y CB-2, HAVO-3 y VWO-3
Orario di entrega di rapport ta: di 7:00pm pa 8:00pm.
Diamars 12 di April: HAVO-L1 y HAVO-L2
Orario di entrega di rapport ta: di 7:00pm pa 8:00pm.
Diamars 12 di April: HAVO-4
Orario di entrega di rapport ta: di 8:00pm pa 9:00pm.
Pa e medio aki Colegio San Nicolas ta haci un apelacion na mayor di tur su alumnonan pa acudi
riba dia y orario indica pa busca rapport 2 y pa elabora riba e desaroyo di nan yiu na nos scol. Ta
importante pa cada mayor ta na altura di e desaroyo di su yiu, pa asina na cas tambe por duna e
sosten y guia necesario na e hoben.
Den caso cu un mayor no por asisti na scol pa busca rapport 2, ta posibel pa tuma contacto cu e
mentor di e scol via 584-6800 durante ora di oficina pa traha un cita personal.
