Page 3 - MIN ARENDS

ORANJESTAD, Aruba

Partido POR, E Forsa Nobo, kier bin cu un ley di restauracion economico, na Hulanda e ta wordo
yama “Crisis- en herstelwet”, cual ta netamente pa stimula e economia dor di kita obstaculonan

innecesario cu na e momentonan aki tin e economia tranca.

Segun Parlamentario Andin Bikker desde nos status aparte Gobiernonan ta purba duna Pueblo e
imprecion cu ta Gobierno ta esun cu ta carga e economia, pero esey no ta cuadra cu realidad. Na final

di dia ta sector priva ta esun cu ta risca invershon den negoshinan y ta crea cuponan di trabao,
Gobierno ta practicamente djies warda pa sector priva importa producto y mercancia, duna servicio,
haci ganashi y paga salario, pa asina Gobierno cobra tur sorto di impuesto. Andin ta haya cu
Gobierno mester bay bek na e rol di crea e condicionan corecto (“randvoorwaarden”) pa sector priva

tin estimulo pa inverti den nos economia.

Na e momentonan aki lamentablemente pa un comerciante por incorpora un compania ta tarda

minimo dos pa tres siman djies pa e nomber di e compania wordo aproba, despues pa incorpora e
compania mes ta otro dos siman, y pa ricibi un vestigingvergunning ta tarda un par di luna mas y tin
biaha hasta aña! Tambe esnan cu kier habri un restaurant ta pasa un caminda masha largo pa
aprobashon di e luga cu tambe ta tarda tin biaha lunas te mas cu un aña.

Segun Bikker ta cua comerciante kier warda un aña pa por cuminsa cu su negoshi, siendo cu e ta cla
pa duna hende trabao pa e operacion di e compania cuminsa. Un otro punto di preocupacion ta cu
actualmente tin mas cu 500 bouwergunning cu ta tranca y pues hopi contruccion no por tuma luga.

Pa un Verkavelingsplan wordo aproba tin pa warda casi un aña y mei pa dos aña. E situacion aki no
ta necesario mas na Aruba. Hulanda tambe a constata e problema aki y ta pa es motibo aki a bin cu e
“Crisis- en herstelwet” y asina agilisa tur proseso. Loke cu tambe a constata ta cu actualmente na

Aruba bo por haci pago cu e sistema “Paypal”, pero bo no por ricibi pago via Paypal. Esaki ta un
situacion di lamenta. Imaginabo un industria turistico cu nos ta sostene riba dje pa 90% pa nos

economia, pero ningun persona no por ricibi pago via Paypal.

Diferente comerciantenan y por ehempel e “millennials” cu ta hopi dilanti den e mundo di tecnologia
y e economia virtual di internet, y personanan cu ta traha den turismo ya caba a acerca nos ya cu nan
no por kere cu na Aruba como un pais asina desaroya no por ricibi pago via Paypal, caminda cu otro

paisnan cu ta competi cu Aruba ya caba ta den e nivel ey. Pa Parlamentario Andin Bikker esaki ta un