Page 25 - 15Feb23

DIARANZON 15 FEBRUARI 2023 DIARIO PAGINA 25

Den marduga Polis a gara dealer di
droga bao palo di kwihi na Nuñe

ORANJESTAD (AAN): Tabata
Diadomingo marduga cu auto-
ridad a haya tip, cu den area di
Nuñe lo tin hende canando cu
arma di candela.
Un unidad di Polis di Noord cu
a yega den e area di Nuñe, a bin
mira na e cruzada cu dos hoben
sinta riba un cura di palo pafo di
cas. Relaciona cu e tip, autori-
dadnan a dicidi na baha y bay check y controla e dos hobennan
aki.
Aki ta unda cu agentenan a bin ripara, cu tin 5 hoben mas eynan,
pero sinta bao di un palo di kwihi. Polisnan a ripara cu nan tur
tabata actua sospechoso, y tabata tratando di sconde algo.
Polis a cuminza sospecha cu di berdad nan lo tin un arma di
candela den nan poder. Nan a dicidi na interoga tur siete hoben,
y a tuma nan dato personal. Aunke ningun tabatin cedula den
nan poder.
Un di e hobennan di inicial F. a wordo acerca, y como cu e ta-
bata actuando masha sospechoso mes, a pone cu Polis a bay con-
trola e palo di kwihi unda e tabata sinta. Bao di e palo di kwihi,
a bin haya un tas di schouder di un marca conoci. Ora cu a bay
check den e tas, e agentenan a mira cu tin varios sakito di plastico
transparente conteniendo marihuana.
Polis a nota tambe cu tin varios placa di papel, placa larga, y un
cedula blauw. E cedula ta pertenece na e hoben di inicial F.
Tur e pruebanan aki ta mustra cu e hoben F. ta un rebendedor
di droga, mirando e forma con e sakitonan di marihuana tabata
empaketa.
A base di tur e observacionnan aki, Polis a detene e hoben F.
como sospechoso di a viola Articulo 4 y Articulo 11 lid-C di Ley
di Droga. Ora cu a rista e sospechoso na su paña, a haya nada.
E sospechoso a wordo hiba via Vehiculo Special di Transporte
pa Warda di Polis na Shaba, unda el a ser presenta dilanti un Fis-
cal Auxiliar. E droga hunto cu e placanan di papel y placa larga,
a wordo confisca pa beneficio di e investigacion. Fiscal Auxiliar
a duna ordo pa e hoben keda deteni.