Page 89 - MIN VOS 16 OCT 2015

Conferencia di Oncologia ta uno grandi y kier organise tur aña

Publication: Friday, 16 October 2015. Categoria: General

ORANJESTAD (AAN) – Aruba ta anfitrion di un conferencia hopi importante di Oncologia cu a
keda inaugura diahuebs mainta.

Luna di October ta e luna cu ta wordo dedica na e malesa cancer. Un luna pa conscientisa
comunidad con anda di e miho forma cu su curpa, pa percura pa detecta cancer na tempo y
informa su mes riba e ultimo desaroyonan den mundo.
Un simposio manera esun cu a keda inaugura diahuebs mainta na Aruba, ta trece profesionalnan
di e ramo hunto unda cu nan ta informa otro riba e ultimo desaroyonan riba e tereno aki.

E simposio a cuminsa diaranson anochi cu e parti social.

Diahuebs mainta despues di e inauguracion, a sigui cu e discusionnan riba tereno di Oncologia y
e ultimo desaroyonan, mientras cu mañan, 17 di october 2015, e simposio ta specialmente
organisa pa esnan cu kier sa mas di e malesa cancer den un idioma mas comprendibel.
Tur hende ta bon bini. Pa por participa mester registra prome. Pa registra por yama e
departamento di Oncologia na dr. HOH. Mirando e exito di e simposio aki, e comision kier
organis’e cada dos aña.

Diahuebs mainta Prome Minister tabata encarga pa habri e conferencia unda el a cuminsa pa
elogia e ekipo organisador, pero tambe na e participantenan cu ta haci e conferencia aki un exito.

Den su discurso Prome Minister Eman a señala cu salud publico, na Aruba y otro parti di
mundo, ta confronta retonan grandi, mirando e desaroyonan cu tin.
E ta sigur cu profesionalnan na Aruba, dr. HOH, AZV y otronan ta sinti nan mes reinforsa cu e
simposio aki. Eman a bisa cu hopi bes e tin diferencia di opinion cu su coleganan den Reino,
pasobra e no ta wak cifra, pero e hende tras di e cifra cu ta importante pa tin derecho riba bon
cuido medico y bienestar.
“Prosperidad ta transcende loke nos tin na entrada. Nos mester tin bon bista pa yuda esnan cu
mester di nos sosten y nos solidaridad.”
Prome Minister Eman a bisa cu nan tin un profesion bunita pero tambe pisa. “Boso ta wak den
wowo di e pashent cu ta duda y ta preocupa si e ta biba pa keda un tempo mas largo cu su famia.