Page 3 - FLIP - MEDIQ - JUNI 13

BeSafe4Life A Duna Curso Di CPR Y Prome Auxilio

Boticanan Mediq a percura pa algun di su empleadonan haya curso di CPR/AED y
training di Prome Auxilio. BeSafe4Life tabata encarga pa duna e trainingnan aki.Durante
e dianan aki e empleadonan a haya training di diferente producto cu tin pa Prome
Auxilio, pero tambe curso di actualisa di tur cos di CPR/AED.E participantenan a siña
CPR pa adulto, mucha y mucha chikito, CPR ora cu adulto, mucha y muchanan chikito ta
asfixia, consciente y inconsciente y stapnan di AED.A haci uzo di un choking vest, baby
manikin, CPR manikin y sistema di training di AED.Tambe a haci uzo di e guia di
American Heart Association pa duna e training di Prome Auxilio y tabata dura 4 ora. Cu
e trainingnan aki e participantenan por atende casonan di emergencia den e prome
minuutnan te ora cu personal di ambulance yega. E participantenan tambe lo siña trata
hendenan cu tin sangramento, verzwik, fractura, shock, diferente tipo di herida y otro tipo
di prome auxilio manera diabetes, stroke, kemadura y “seizures”.E participante tabata
interesa den e curso y tabata contento cu nan por a sigui amplia nan conocemento rib’e
tereno di CPR/AED y Prome Auxilio. Nan ta gradici Boticanan Mediq p’e oportunidad
cu nan a ricibi di sigui amplia nan conocemento.