Page 93 - MIN TTC 27 OCT 2015

Chofernan di busnan chikito ta pasando dolor di cabez

Publication: Tuesday, 27 October 2015. Categoria: General
cu cambionan cu ta na caminda pa nan

ORANJESTAD (AAN):
Tin cambio na caminda pa e busnan chikito. Nan no mag di para mas riba tereno di Arubus cu tin
den Weststraat y aparentemente pa dia 1 di November, nan lo tin cu bay para den
Wilhelminastraat na altura di e Kerki protestant.
Juan Mackintosh, kende ta core autobus B-124, cu ta core riba ruta di Noord, a fungi como
vocero di e grupo preocupa aki. Nan ta preocupa cu cierto cambionan cu ta bay bin.
E preocupacion ta cu e busnan cu ta para den e stacion di bus, hunto cu e busnan di Noord. Ta
mihor opcion cu tin cu sali pa diferente parti. Tur e pasaheronan pa anjanan caba ta custuma cu e
stacion en cuestion.
Siman pasa a haya un carta for di sr. Ketteldijk, director di DTP, cu ta bisa cu dia 1 di November,
tin cu Sali bay den caya grandi unda cu tin e misa di protestant. Si por ripara e parada ta hopi
chikito.
Eynan tin hopi trafico. Pa bay sinta pone busnan di San Nicolas, busnan di Noord, busnan di
Santa Cruz hunto, segun Mackintosh, no ta bon pa e buniteza despues di renobacion di e caya cu
gobierno a drecha.
Tin un stacion di bus, cada un por tin un espacio pasobra ta un transporte publico tin y si wak tur
e chauffeurnan di bus, tur ta contra bay p’ariba pasobra nan ta sacanan for di caminda cu nan tin
cu para.