Page 9 - AHATA

Diamars, 22 April 2025 AWEMainta LOCAL 13

Entrega di normanan di conducta apropia na Minister-president

DIAMARS atardi 15 di april Ombudsman sra.

Jurima Bryson a otorga e Behoorlijkheidswijzer
na Minister-president Mike Eman. E
Behoorlijkheidswijzerta un manual cu tin e
normanan di conducta apropia di Ombudsman

di Aruba.

E normanan di conducta apropia a wordo
publica e luna akiriba paginanan di social media

di Ombudsman pa pueblo tambe tin acceso n’e
normanan cu ta forma e base p’e trabou di nos
Ombudsman. Ora un keho wordo entrega na
Ombudsman of Ombudsman haci investigacion

riba su propio iniciativa, Ombudsman lo evalua
si un of mas di e normanan a wordo viola.

Despues di e publicacion online di nos

normanan di conducta apropia pa nos comu-
nidad, Minister-president a haya e prome copia
di e Behoorlijkheidswijzer. Bryson a entrega
personalmente na su persona.

Despues di e entrega oficial, sra. Bryson a haya
e oportunidad pa elabora riba e 22 normanan.
Tambe sra. Bryson a duna Minister-president un

relato di e tareanan cu a wordo conclui e ultimo
lunanan y esunnan cu ta plania p’e periodo nos
dilanti u e meta pa yega n’e momento unda lo
bay habri porta di Bureau Ombudsman.

Durante e encuentro tur dos partido a comparti
pensamento pa cu con comunidad di Aruba lo
por beneficia optimalmente di un Ombudsman,

un instituto independiente cu lo bay supervisa
cu e normanan di conducta apropia ta wordo
aplica cerca e institutonan cu ta cay bou di
mandato di Landsverordening Ombudsman

(LvO).

Oficina di Ombudsman Aruba kier informa cu
nan lo mantene pueblo na altura di e ultimo

desaroyonan y encuanto e apertura oficial di
bureau.

Pa por kedana altura di e ultimo desaroyonan,

por bishita tambe e paginanan di Facebook
‘Ombudsman Aruba’, Instagram ‘ombuds-
manaruba’ y LinkedIn ‘Ombudsman Aruba’.
Por ehempel, al momento riba nos pagi-

nanan di social media tur 7 vacatura di Bureau
Ombudsman ta disponibel.