Page 5 - RIU HOTEL
P. 5
Rifai obviamente no tabata preocupa pa haci su su critica, ya cu el a adverti contra e
practica di construi hotelnan di cinco strea den comunidadnan di tres strea, unda cu e
ciudadanonan no ta parti di e transformacion.
El a insisti cu e interesadonan den turismo no por sigui crea muraya entre e bishitante y e
comunidad.
Rifai a enfatisa cu esaki no ta modelo cu e organisacion di Nacionnan Uni ta buscando.
Segun e ta bisa, e oportunidadnan den turismo mester tin e resultado final di un
crecemento economico inclusivo, mas trabou decente, e distribuicion di e rikesa, e
prosperidad comparti y respet mutuo.
Su comentario a wordo haci den presencia di diferente operador di hotelnan all-inclusive,
Prome Minister di e pais, Andrew Holness, Presidente di Republica Dominicano, Danilo
Medina, Minister di Turismo Admund Bartlett y diferente otro dignatarionan representando e
industria.
