Page 11 - ARUBA AIRLINES

Aruba ta den un situacion fastioso, pasobra Nacionnan Uni a pidi clarificacion na

Hulanda di loke a pasa na Aruba ora cu e isla aki a deporta dos disidente Cubano aña

pasa.

E informe publica na Hulanda ta bisa UN a pidi Gobierno di Hulanda splicacion riba

deportacion di e dos Cubanonan disidente, y cual a sosode door di e compania nacional di

aviacion di Aruba.

Esaki pasobra e Cubanonan ta bisa cu bou di forsa nan mester a bandona nan pais.

E portal “NIeuwsuur” a haci un investigacion y yega cerca e dos disidentenan aki,
kendenan a wordo entrevista pa e dos reporteronan di e portal menciona. Loke ta wordo

cuestiona den e articulo aki ta cu documentonan ta mustra cu Aruba Airlines ta den man

di un Venezolano, un hecho cu ta en pugna cu leynan di Aruba, cu ta bisa cu un Arubiano

mester ta doño, segun e publicacion.

Adicionalmente nan ta remarca cu e regimen Venezolano ta mantene lasonan estrecho cu

e regimen comunista na Cuba. E portal Hulandes a tuma contacto cu Gobierno di

Hulanda, cu a informa nan cu tanto Hulanda como Aruba kier pa Aruba Airlines cumpli

cu nan proceduranan di siguridad, pero no tabata kier a bay riba e deportacionnan mes.

Aruba di su banda a bisa cu Aruba Airlines ta cumpli cu tur e exigencianan legal.

Pero no kier a specifica tur loke esaki ta.Tambe e periodistanan a contact autoridadnan di

Cuba cu a nenga di a deporta e hendenan aki den forma obligatorio. Aruba Airlines ta

sigui un linea comparabel cu esun di Gobierno Cubano. E hombernan aki a biaha of

bandona Cuba boluntariamente y e aerolinea no tin culpa den esaki. Documentonan cu e

portal a haya pa demostra cu loke e disidentenan ta papia ta berdad, ni Gobierno di Cuba

ni Aruba Airlines kier a reacciona riba esaki.