Page 31 - KPA 24 NOV,2015
P. 31
6 AWEMainta Diamarsa, 24 November 2015
Hoben ta joyride auto y
a bay dal rib’un cura di cas
Auto ta keda destrui mientras e hoben ta sali sin ningun rasca
DIADOMINGO anochi a drenta informe cu nan a caba di horta un Toyota Tercel
color cora cu plachi number A50637 for di Seroe Blanco.
Algun minuut despues a drenta informe cu e auto aki a ser señala banda di Cumana
bayendo direccion pariba.
Un rato despues e patruya a inicia cu un persecucion rumbo pariba drenta Santa Cruz
pasa despues via Rooi Frances, sigui bay pasa rotonde Pos Chiquito drenta banda di
JR Cura Cabay pasa den Brazil, drenta Caya Hose Geerman unda eynan e auto a dal
na acera perde control y a bay dal rib’un cura di cas na unda tambe a kibra e meter
di awa. Ta hopi suerte e chofer tabatin di ni a ricibi ni un rasca. Mesora Polis a bay
y a gar’e y detene.
E auto si a keda bastante destrui.
Awor e sospechoso aki mester bay responde pa ki motibo el a horta e vehiculo aki.
