Page 47 - MIN.TTC JUNE 12

Home Politica Segun Parlamentario Jennifer Arends-Reyes: Parlamento lo reuni cu Minister
Oduber pa discuti e maneho di All-inclusive hotels

Segun Parlamentario Jennifer Arends-Reyes: Parlamento
lo reuni cu Minister Oduber pa discuti e maneho di All-
inclusive hotels

on: Friday, June 12, 2015In: PoliticaNo Comments
Print Email
Segun sra. Arends-Reyes kende ta fungi como presidente di comision di Turismo a pidi un
reunion di comision combina cu comision Financiero y Economico cu Minister Oduber, Minister
encarga cu turismo despues cu e Minister a yega di su compromisonan den exterior pa asina e
mandatario bin splica kico ta e maneho di hotelnan All-inclusive pa cu nos isla. Mirando cu nos
por a tuma nota cu tin mas hotel all-inclusive kier haci nan entrada na Aruba den e area di high-
rise hotels y e lo por tin un efecto negativo ariba nos sector Turistico. Diferente rapport ta mustra
cu un aglomeracion di hotelnan tipo All-inclusive tin su efectonan desbentahoso pa e
companianan cu ta depende directamente di e mesun turistanan. Fraccion di AVP a tuma e
iniciativa presenta dia 7 di Mei 2015 y bin cu un mocion cu a carga sosten unanimamente di
Parlamento dia 13 di Mei 2015 pa urgi Minister encarga cu Turismo pa bin cu un ley urgente pa
regla e sistema di permiso pa All-inclusive tambe na momento di un take-over. E siman cu ta bin
aki lo ta uno importante pa nos Turismo mirando cu lo tin decision den e caso sumario entama
contra Carlson Group cu lo tin un acuerdo firma cu RIU pa un otro hotel All-inclusive mientras
cu Carlson Group tabata tin palabracionnan cu Aruba Growth Fund tambe. Aruba Growth Fund
cu tabata bezig cu Carlson Group pa lunanan largo lo kier trece e cadena Hilton Aruba cu no lo
ta e sistema di All-inclusive. Aruba Growth Fund a laga sa di ta desea di gana su caso a base di
“business ethic”’ y asina logra sinta bek na mesa di negociacion cu Carlson Group. Antes Land