Page 16 - AWEMAINITA AUG 26

16 AWEMainta Diaranson, 26 Augustus 2015

Insel Air cu man
habri ta yuda
e muchanan di
Pony Baseball

E ORGANISACION di Baseball den nomber di Pony

Baseball Aruba Foundation trahando p’e muchanan di
Aruba semper ta encontra retonan pa cumpli cu ne.
Baseball a bira parti di custumbernan di e famia Arubano,
diasabra y diadomingo riba veld pa apoya e muchanan.
Y hopi biaha durante di vacantie hendenan ta sinti falta
di e actividad ey. PONY su nificacion ta Protect Our
Nation’s Youth.
E board di Pony ya caba ta trahando rib’e proximo
retonan pa 2016 y sigur lo ta contando cu e sponsornan
p’e campeonatonan. Den e mesun rosea aki Pony
Baseball sigur ta hopi conteto cu e respaldo risibi den
comercio p’asina hasi e soño di e muchanan realidad.
Un compania cu a habri man p’un yudansa sigur ta
InselAir cu na momentonan crucial a hasi todo por todo
p’asina yuda e muchanan di Pony League representa
Aruba na Puerto Rico.
E vuelo di InselAir a despega di Aruba yenando e
curasonnan di e muchanan cu hopi alegria. Un vuelo
cu a bai tremendo y na final di e campeonato ya e avion
tabata na airport na Puerto Rico ta warda e muchanan
pa trese nan bek pa Aruba, na nan cas, y sigur cu bon
resultadonan di e competencia.
InselAir a demostra cu nan ta bai e extra mile p’e
muchanan aki di Baseball. InselAir ta conta como un
main sponsor di PONY Baseball Aruba Foundation.
Board di Pony Baseball y sigur den nomber di e Main
Sponsor InselAir kier a desea tur mucha exito den e
campeonatonan benidero.