Page 53 - MIN ECEM

Durante e evento participantenan lo haya sa mas di e experiencianan di algun
compania den e prome parti, mientras cu den e di dos parti lo enfoca riba ki ora
pa inverti den calidad humano, pakico “human recource” ta importante.

E Small Business Event ta tuma lugar awe diasabra den Renaissance Convention

Center y lo cuminsa for di 9:30 di mainta y lo termina pa 1’or di merdia. E
evento lo ta uno gratis.

https://extra.cw/2017/07/tin-diferente-servicio-cu-negoshinan-por-uza-pa-ta-exitoso/

Minister Arends ta haci entrega di plakaat na e miho
graduado di VWO Roderick Tapia

Friday, 07 July 2017 20:56

1

Comparti

Tabata un anochi bunita cu un ambiente colma di positivismo den Renaissance Convention Center
diahuebs anochi.
Un grupo grandi di hoben a haya nan diploma y mundo tana nan pia. E futuro ta den nan man y awor ta
keda na cada un di nan pa scoge un estudio, sea aki of den exterior y traha asina riba un carera briyante.
Minister di Asuntonan Economico na nomber di Prome Minister Eman a entrega un plakaat y un regalo
na e miho graduado di Colegio VWO Roderick Tapia.

Riba e cijferlijst di Tapia ta pronk tres tien, dos negen, tres acht y dos zeven. Impresionante. Na
momento cu el a lesa su puntonan tur presente a aplaudi su logro den forma abrumador. Caribbean
Mercantile Bank a bin cu un cheque di mil dollar como regalo pa Roderick. Na momento cu Roderick a
hiba palabra, el a gradici su mayornan, su famia, su amigonan y su amiga Naomi, kende semper a kere
den dje. Mesora el a bisa tambe cu como miembro di Aruba Lions Club e ta regala su check na e Fondo
Social di Colegio Arubano. E gesto aki di Roderick a emociona tur presente y cay den asina bon tera cu e
representante di Banco CMB a bisa cu e ta regal'e un otro mil dollar pa e usa pa su mes.
Minister Richard Arends cu masha entusiasmo a bisa cu p'e como ex Colegiano ta un honor cu e por a bin
na e graduacion representando Prome Minister Mike Eman. "E cijferlijst ta realmente impresionante y
esaki no ta solamente danki na Roderick su perseverancia, pero tambe danki na e apoyo cu e ta ricibi di