Page 40 - AHATA

luga pa cera nan. Y tin hende ilegal cera na Warda nos Costa, cu tin cu wordo deporta

den e siguiente ora of dianan nos dilanti.

Hopi di esnan cu ta representa e trahadonan, tabata tey cu docmento den nan. Varios di

nan ta documenta, pero nan no tabata tin e prueba cu nan ta legal riba nos isla.

Rick Samuels ta abogado di un contratista. El a splica cu el a tuma nota di loke a pasa.

Ningun di e personanan cu a wordo gara ta sin permiso. Di locual cu Samuels tin di

compronde te ainda, ta cu e situacion ta cu despues di e carta cu Citgo a manda, cu nan

basicamente a caba cu e contracto, tin un obligacion di banda di e compania cu ta Azura,

pa desmantela y percura cu den un paar di dia nan sali for di riba e tereno eynan.

Esey ta e unico cos cu Samuels, te asina leu cu e sa. Loke tin cu wordo haci, ta cu tin cu

bay papia cu e director di e departamento pa bay wak exactamente kico ta e motibo di e
accion aki. Na e momento ey den un manera constructivo, trata di wak kico por wordo

haci.

Locual cu Samuels tin di compronde si caba ta cu desde siman pasa te awor aki, tin mas

of menos 23 hende cu a bay caba y cu awor aki mes nan ta na caminda pa trece copia di

tur e pasportnan di esnan cu ta na Warda nos Costa, incluso nan ticket, cual a wordo

cumpra cu Avianca y cu Aruba Airlines.

Tur e hendenan tin ticket caba cumpra. Ora cu e director yega lo tin cu bay papia pa wak

na ki manera por bay resolve esaki. Kisas esey lo por trece cun’e cu tin cu bay haci un

esfuerso pa purba di adelanta e ticketnan. Ta importante pa yega na un tipo di solucion

constructivo cu otro di papia un rato trankilo y pa percura cu segun e abogado, locual cu

kier wordo evita ta cu e hendenan cu no ta trahando mas of cu no por tin trabao mas, no

por subi riba mercado local y bay traha otro caminda. Esey zowiezo no lo bay ta e caso.

Di locual cu e tin di compronde, tin algun hende ta di e compania Citgo mes y otro

contratistanan mas probablemente. Tur e trahadonan tin ticket pa bay riba termino

relativamente cortico. Ta papiando aki di un siman, dos siman, tres siman.