Page 17 - MINISTER MIKE DE MEZA
P. 17
Tecniconan di N.V. ELMAR ta trahando riba e fayo:
Contratista riba Green Corridor a bolbe kibra kabel di
coriente
Thursday, 14 April 2016 10:55
Comparti
Diahuebs mainta tempran N.V. ELMAR a hay'e cu un otro reto den suministro y distribucion di coriente
ora cu un compania di construccion trahando riba Green Corridor na altura di e crusada di Mahuma a
kap un kabel di 60.000 volt. Consecuentemente a causa un problema serio den distribucion pa cual
varios bario a resulta afecta.
Update: Pa 12:40pm a reconecta henter e sistema di distribucion di coriente bek.
Ta trata aki di area di Tanki Leendert, Pavia, parti di Caya Betico Croes, Shaba, Sero Blanco, Pos Abao,
Bushiri y algun hotel grandi manera La Cabana Resort.
N.V. ELMAR ta lamenta e hecho aki cu ta for di su mannan, pero cu tin consecuencia pa su clientenan,
specialmente comercio.
Mientras tanto mesora despues di a incidente tecniconan a mobilisa pa desvia distribucion pa por
reconecta suministro normal di coriente. Di otro banda a cuminsa cu trabou pa drecha e kabel
importante di coriente cu awor ta daña.
