Page 9 - KPA 25 March'15

DIARANZON 25 MAART 2015 DIARIO PAGINA 23

REFLEXION Chauffeur femenino a dal cu su

Reflexion saca for di e buki “Imitacion di auto tras di un pickup

Cristo” pa nos reflexiona e siman aki pa sa cu: ORANJESTAD (AAN): ta simplemente cu e dama sitio y a tuma declaracion di
Diamars mainta un accidente chauffeur manehando e ambos chauffeur. Danki Dios
Pa nos por tin un bida berdaderamente a tuma lugar net dilanti Chevrolet no a paga atencion cu ningun persona a resulta
di Cayena Mall entre un den trafico cu consecuencia herida.
felis, nos mester fiha nos bista riba Cristo Pickup Hilux y un auto cu el a bay dal tras di e
Chevrolet. E motibo principal pickup. Polis a presenta na e
Hesus y no riba placernan mundano!!

Con pa renuncia bo mes
y tur deseo inapropia

1. Cristo: Mi yiu, bo no por bira doño di libertad
absoluto, si bo no renuncia bo mes completamente. Nan tur
ta na cadena: e doñonan golos y esnan cu ta stima nan mes;
esnan yen di cudishi, esnan caweta, e vagabundonan, esnan
cu ta busca loke ta fragil y costoso, cu no ta busca loke ta di
Hesu Cristo, nan ta fingi sin fin loke no ta duradero. Pasobra
tur loke no ta sali for di Dios, lo cai den otro. Corda e palabra
cortico aki cu ta cubri tur cos: distancia bo di tur cos y lo bo
haya tur cos; deshaci di deseonan inapropia y lo bo haya
calma. Corda esaki bon, y ora bo a domina e practica ey, lo
bo compronde tur cos.
2. E disipel: Señor esaki no ta trabou di un solo dia,
ni wega di mucha; pues e solo palabra aki ta encera tur
perfeccion spiritual.
3. Cristo: Mi yiu, no laga esey spanta’bo, y no sea
descurasha asina lihe, si bo tende nan papia di e caminda
di esnan perfecto; ma sinti cu bo ta yama pa logra gracia di
mas halto y por lo menos anhela pa yega asina leu. Mara
por ta asina cu bo, y mara tur egoismo por a disparce for
di bo, mara bo por a tene cuenta solamente cu Mi señalnan
y cu señalnan di e lider cu Ami a apunta riba bo. E ora ey
lo bo ta masha na Mi agrado, y henter bo bida lo ta yen di
pas y alegria. Ainda bo tin di distancia bo mes di hopi cos
y mientras di curason bo no pone nan den mi man, lo bo
no logra loke bo ta pidi. “Mi ta conseha bo pa cumpra oro
purifica den candela for di Mi, pa bo bira rico” (Apoc. 3 : 18),
esey ta sabiduria celestial cu ta trapa riba tur cos mundano
cu no tin balor. Pone sabiduria mundano como ultimo den
liña, cu esey Mi kier men e placernan cu ta mucho humano
y mucho egoista.
Pasobra: e sabiduria celestial berdadero, cu no ta sinti
su mes splendoroso y cu no ta busca alabansa di mundo,
berdaderamente ta parce sin balor, chikito y casi ignora.
Hopi hende ta elogia e sabiduria celestial cu boca, pero nan
ta hiba un bida cu di ningun forma ta cuadra cu e sabiduria
ey. Tog esaki ta e perla di mas precioso cu ta keda scondi pa
hopi hende.
4. Cristo: Mi yiu, no confia den e deseo cu actualmente ta
den bo; pronto e lo troca pa un otro. Tanten cu bo ta na bida,
lo bo keda suheto na cambio, aunke ta contra bo boluntad;
tin biaha contento, tin biaha trastorna; tin biaha deboto, tin
biaha indiferente; tin biaha zeloso, tin biaha floho; un ora
serio, otro ora manera un hende desconsidera. Ma riba tur e
cosnan cu ta varia, ta para e hende sensato, cu ta bon versa
den spirito. E no ta haci caso di loke su sintimentonan ta,
ni for di unda e biento di inconsistencia ta supla. Su alma
ta fiha completamente pa logra e meta obligatorio cu na
mes momento ta e meta desea. Pasobra asina un hende por
keda completamente su mes, dor di constantemente fiha
un mirada simpel na Mi durante tur e sucesonan cu ta keda
cambia largo bai.
5. Mas puro e intencion di e mirada ta, mas firme e ta
pasa den tur tempestad. Ma cerca hopi hende e wowo di
intencion puro ta nubla, pasobra hopi lihe nan ta fiha e
mirada riba algo otro cu segun nan ta mas atractivo. Masha
poco tambe un hende ta libra completamente di e mancha
di egoismo. Pesey nos mester purifica e wowo di intencion,
p’e ta sensiyo y drechi, y mas cu tur otro medio e wowo ey
mester ta fiha riba Mi.

“Felis ta e hende cu ta para firme no obstante e pruebanan cu
e ta pasa aden. Ora e pasa e pruebanan cu exito, lo e ricibi e
bida como premio, un corona cu Dios a priminti esnan cu ta
stim’E. (Hacobo 1:12)”