Page 13 - AM210927

Dialuna, 27 September 2021 AWEMainta.com 13

Exprodesk ta invita tur musico pa participa

n’e campaña di “WDNA-88.9FM”

Departamento di Asunto Economico, Comercio y
Industria y su unidad Exprodesk ta invita tur musico
pa participa n’e campaña di “Miami’s 88.9FM

WDNA Broadcasting Radio”. Si bo ta un musico y bo
ta pensa riba e posibilidad pa extende bo carera, esaki
ta bo oportunidad pa Bo resona den exterior y crea un
‘fan base’ mas grandi.

E campaña a cuminsa diabierne dia 24 di september
2021 y lo dura te cu dia 9 di october 2021 y lo ta
completamente gratis pa participa.

E campaña ’WDNA” ta un campaña unda cu Exprodesk
ta duna nos musiconan local e oportunidad pa nan
propio composicion resona na Florida y asina duna

nan e oportunidad di por expande nan musica na un
otro nivel.
Tur musico di tur genero lo por participa n’e campaña
aki. Pa participa nos ta pidi tur nos musiconan cu ta

interesa pa primeramente inscribi nan canticanan na
Oficina di Propiedad Intelectual pa nan por ta protegi
bou di e derecho di autor.

Siguientemente nos ta pidi p’esnan cu kier manda nan
canticanan, pa haci esaki via un MP3 audio file hunto
cu nan link di YouTube si acaso nan tin videonan. Tur
musico mester manda nan canticanan/audio files

prome cu dia 9 di october 2021 na: s.meijer@deaci.
aw

Di e manera aki Exprodesk tin como meta pa promove

nos musiconan Arubano di tur genero dor di expone
nos canticanan local riba mercado internacional.

Di e manera aki tambe Exprodesk ta contribui n’e

desaroyo di nos Industria Creativo dor di promove
exportacion di creacionnan di nos artistanan,
brindando nan e oportunidad pa saca probecho di
nan talento y creatividad.

Ta importante pa menciona cu Exprodesk no lo t’esun
cu lo bay selecciona e canticanan di e campaña aki,
sino e locutornan di “WDNA”. Exprodesk ta facilita

pa ricibi e canticanan y manda esakinan p’e radio di
“WDNA” na Florida. “WDNA” lo bay t’esun cu lo scohe
e musiconan cu nan lo presenta den e luna di october.
Pa mas informacion over di e campaña di ’Miami’s

88.9FM WDNA Broadcasting Radio”, con pa participa
of con pa registra, por tuma contacto cu sra. Sharon
Meijer via: s.meijer@deaci.aw