Page 20 - vos jan 19,2016
P. 20
PAHO ta pidi paisnan pa monitor y raporta caso di babynan
cu nace abnormal
Publication: Tuesday, 19 January 2016. Categoria: General
Mientras cu e virus di Zika ta sigui plama den Latino America…
ORANJESTAD (AAN): Organizacion Mundial di Salud y PAHO, a mustra cu e virus di Zika
awor ta circulando den 18 pais den Latino America y Caribe.
Pesey Pan American Health Organization (PAHO) ta recomenda pa tur paisnan cuminza monitor
y raporta cualkier aumento den syndrome neurologico y abnormalidad congenital, cu ta cuminza
sugeri mas y mas cu nan tin di haber cu infeccion di Zika.
Segun e update di PAHO di 17 di Januari 2016, e paisnan cu te cu awor a confirma cu nan tin
caso di virus di Zika ta Brasil, Barbados, Colombia, Ecuador, El Salvador, Guyana Frances,
Guatemala, Guyana, Haiti, Honduras, Martinique, Mexico, Panama, Paraguay, Puerto Rico, St.
Martin, Suriname, y Venezuela.
Esaki ta dos biaha e cantidad di pais cu a raporta virus di Zika na e update di 1 December 2015.
E alerta nobo di PAHO ta recomenda tambe cu paisnan den continente Americano, prepara nan
facilidadnan di salud pa responde na un potencial aumento den demanda pa cuido specializa pa
sindromenan neurologico, pa reforza e cuido prenatal, y pa sigui nan esfuerzonan pa reduci e
presencia di e sangura pa medio di strategianan efectivo y comunicacion na publico pa combati
esaki.
E sintoma di e virus ta keintura, rash na cuero, y dolor di weso. Hasta CDC di Merca a cuminza
desconseha Mericanonan na estado, di viaha pa awor na Latino America of Caribe pa vakantie.
COLOMBIA: Segun prensa, ya na Colombia mas di 11.600 hende ta contagia cu e virus di Zika,
entre nan 459 muher na estado.
E virus no ta peligroso pa adulto, pero ta mustra cu e por pone bo yiu nace cu problema,
incluyendo cabez hopi chikito.
