Page 54 - vos jan 19,2016

AWEMainta Diamars, 19 Januari 2016 25

Inscribi pa bo no ked’afo

Falta 1 Siman p’e
Careda di Betico

NOS TA den e ultimo siman di preparacion p’e grandioso careda di “Betico

Memorial” cu ta organisa anualmente pa IBiSA. E careda ta tuma luga riba
dialuna dia 25 di januari 2016, Dia di Betico, cu ta un dia liber.
Salida di e careda ta exactamente pa 6’or di mainta for di riba caminda
principal dilanti di Centro Deportivo Libertador Betico Croes na Sta. Cruz.

Esaki ta e ultimo siman cu por inscribi tambe pa participa na e careda. Por
haci esaki na oficina principal di IBiSA situa na Frankrijkstraat 1 y tambe na
IBiSA Sport Centrum San Nicolas for di 7:30am pa 12:00pm y di 1:00pm pa
4:00pm.
Un invitacion cordial ta bay na pueblo di Aruba en general y tur esnan cu
tin custumber di participa na e gran careda aki pa inscribi mas pronto cu ta
posibel pa bo no ked’afo. Inscripcion ta cera diahuebs atardi dia 21 di januari
2016 pa 4’or di atardi.

Costo di participacion p’e careda di 10K ta Afl. 15,- pa atletanan local y
US$ 10,- pa participantenan internacional. Y pa e “6K Fun Walk & Run”, e
inscripcion ta costa Afl. 10,- pa atleta local y US$ 8,- pa esnan internacional. Na
momento di inscribi, e participante ta ricibi un bunita t-shirt conmemorativo
di e Careda di Betico y tambe su number di careda. Lo ricibi un t-shirt tanten
cu tin disponibel. Asina ta, inscribi lihe.

E mes mainta despues di careda ta entrega premiacion na e ganadornan. E
premio di e “10K Run” ta segun categoria di edad y ta premia e coredonan
masculino y femenino cu finalisa na tercer, segundo y prome luga den nan
categoria. P’e “6K Fun Walk & Run” ta premia solamente e prome, segundo
y tercer luga ‘Over All’ femenino y masculino.

Abo so falta. Inscribi awe mes y cuminsa cu determinacion pa traha riba bo
salud y condicion fisico den 2016.