Page 5 - HOH

Diabierna, 30 Mei 2025 AWEMainta COMUNIDAD 44

Respaldo ta felicita 5 colega cu a finalisa cu

exito e curso di Mental Health Professional

RESPALDO ta oguyoso di por felicita cinco di su emplead-
onan cu a finalisa cu exito e curso intensivo di Mental Health

Professional (MHP-Oplediding). E 5 cursistanan ta:
Nair Kelly, Casemanager di FACT, Tanya Feliciana, trahado
social, Eargy Florentina, terapista educativo, Wesfalia Lopez,
enfermera, na Opname, y Geraldine Mejia, trahado social.

E curso, cu a tuma lugar durante un periodo di nuebe luna,
a enrikece conocemento di nos coleganan cu metodonan
di guia, habilidadnan, y instrumentonan pa screening den

cuido pa hende cu ta combati problema di salud mental.

Ademas e cursistanan a siña traha cu tecnicanan di inter-
vencion non-verbal basa riba experiencia, unda cu frecuent-

emente ta wordo mira cu e metodo aki ta mas eficaz cu si
enfoca riba e metodo verbal-cognitivo.

E curso tabata inclui temanan importante manera:

Psikiatria transcultural, trabou sistematico y aspectonan
intergeneracional Ki ora mester referi e cliente y ki ora lo mester haci e guia
Uzo di E-health, medicina psikico y con pa trata cu luto personalmente
Instrumentonan pa screening y metodonan di guia Reflexion personal y profesional: kico ta haci ami e persona

Trabou cu mucha, hoben y mayor adecua pa ta un bon Profesional di e Cuido di Salud Mental?

E mayoria di lesnan tabata virtual, pero den luna
di september e cursistanan a bai Corsou pa un

siman y haya e lesnan físicamente. Por ultimo e
cursistanan a bay Boneiro na mei pa finalisa e
curso y gradua.

E bishitanan aki a trece nan hopi mas experiencia
practico y oportunidad pa intercambia conoce-
mento cu coleganan for di e otro islanan.
Respaldo ta sumamente oguyoso di e desaroyo

di nos coleganan y ta mira e logronan como un
paso importante pa sigui mehora e calidad di
nos servicio.

Nos cursistanan tambe ta agradecido na e
management team di Respaldo pa duna nan e
oportunidad aki y e confiansa pa demostra nan
desaroyo profesional.

Respaldo – Comprometi cu crecemento, innova-
cion y bienestar di nos comunidad.

Respaldo rumbo pa un organisacion di salud

mental specialisa profesional y sostenibel pa un
Aruba mentalmente sano.