Page 13 - AM221213

Diamars, 13 December 2022 AWEMainta DEPORTE 13

‘Xan Bogaerts to Xan Diego’
Popularidad di Xander Bogaerts

na San Diego creciendo

rome cu el a hunga su prome wega den uniform di San Diego Pa-
P dres, e shortstop di Aruba, Xander Bogaerts ya tin su impacto riba
fanatico- y dirigentenan di e ekipo aki. Diabierna ultimo durante di pre-

sentacion di e Arubiano pa Padres, ya caba e ekipo a produci cambion-
an den un poster promocional di e hungado, cu a bira masha popular
den poco tempo un post di e ekipo riba Twitter, a conoce mas cu 25 mil
followers cu den fin di siman a aumenta formalmente.

Un di e postnan cu a haya atencion ta caminda e ekipo ta pone: “Welcome
Xander to Xan Diego” pues practicamente cambiando e nomber di e
ciudad San Diego den Xan Diego, na honor di e shortstop di Aruba.

Loke ta tanto fascinante pa tuma nota di e presentacion diabierna ultimo
di Xander na San Diego, tabata e forma con nan ta a balorisa e cualidad
di e hungado di Aruba, elogiando su capacidad tanto ofensivo como
defensivo, cualidadnan cu su e ekipo den cual el a lanta, esta Boston

Red Sox, masha poco a haci.

Gerente General di Padres, AJ Preller durante e presentacion di Xander
diabierna na Petco Park, a mustra cu Bogaerts ta bin fortalece un infield

cu ya caba ta hopi fuerte cu hungadonan manera Manny Machado,
Fernando Tatis Jr, Ha-Seong Kim y Jake Cronernworth loke ta haci e
ekipo ainda mas poderoso. Xander a ricibi for di man di e gerente general
su uniform cu number 2 ariba, loke ta nifica cu el a mantene su number

cu e tabatin den su estadia cu Boston Red Sox.

“Mi ta anhelando pa cuminsa e etapa nobo aki den mi carera, caminda
e proximo 11 aña lo mi ta hungando aki pa resto di mi carera den liga

grandi,” Xander a mustra.

Su estilo di “easy going type” mesora a pone cu el a duna e impresion cu e
ta na cas caba y a gana admiracion di hopi hende den e organisacion caba

pero na mes momento el a wordo ricibi cu hopi entusiasmo pa fanaticada
tambe di e ekipo di Padres.

“Enter di Xan Man” ta otro expresion cu a uza den su

presentacion diabierna ultimo loke tambe ta un indi-
cacion di e gran aceptacion cu ya caba e tin cu e
organisacion di Padres di San Diego.

Xander a firma un contract pa 11 tempo-
rada pa e suma di $280 miyon cu ta duna
e hungado un salario di $25.45 miyon pa
temporada y manera cu e mes a declara

diabierna ultimo, e lo caba su carera cu e
ekipo di Padres.