Page 6 - AB

Dialuna 15 di August 2022

FORTALEZA PA FAMIA
Scirbi pa Pastor Marcel Balootje.

TIN GRAN BENEFICIO DEN DUNAMENTO.

Locual ta mas importante den nos bida ta pa nos entrega nos curason na Dios, ora nos curazon ta pertenece
na Dios, nos bida lo ta trankil, pasobra Dios ta doño di nos curason y ta Dios ta goberna nos bida, pesey bo
bida lo florece, y hende lo puntra kico ta pasa cu bo, y nan lo nota e diferencia, cu bo ta propiedad di Dios,
pesey tur momento bo ta contento y optimista.

Esun cu ta tene misericordia di un hende pober, ta fia Señor y E lo page bek pa su bon obra. ( Proverbionan
19:17).Ora nos ta duna y bendiciona hende, nos no ta wak color ni rasa,tampoco religion, pasobra tur hende
ta hende den bista di Dios. Dios no tin distincion di persona. Bo man drechi no tin mester di sa kico bo man
robes ta haci, haci tur cos den boluntad di Dios y lo bo ta bendiciona.

Mas bo duna mas bo ricibi ( Lucas 6:38) Cu mesun midi cu boso midi, lo wordo midi cune bek pa boso.
Cada biaha cu bo duna , declara cu bo ta bendiciona ( Deut 16:17) Bo ta demostra cu bo ta husto ( Prov
21:26) Bo ta obediente na e Evangelio ( 2 Corintionan 9:13) Bo ta demostra cu bo ta stima Dios ( Juan 3:16)
Bo ta demostra cu bo ta confia Dios ( 1 Timoteo 6:17) Dios ta haci bo generoso (2 Corintionan 9:10) Bo ta
ricibi recompensa di Dios ( Mateo 10:42). Esun cu sembra scars lo cosecha scars tambe, y esun cu sembra
generosamente lo cosecha generosamente tambe. Laga cada un haci manera e a propone den su curazon,no
contra su gusto of obliga,pasobra Dios ta stima esun cu ta duna cu alegria.(2 Corintionan 9:6+7).

Tin un beneficio eterno ora nos ta yuda hende den tur tipo di necesidad. Señor ta bisa: Bin boso cu ta
bendiciona di Mi Tata, hereda e reino cu ta prepara pa boso desde fundacion di mundo. Pasobra Mi tabatin
hamber y boso a duna Mi di come. Mi tabatin sed y boso a duna Mi di bebe. Mi tabata un stranhero y boso a
duna Mi posada. Mi tabata sunu y boso a bisti Mi. Mi tabata malo y boso a bishita Mi. Mi tabata den prison
y boso a bini serca Mi. E ora ey e hustonan lo conteste Señor ki dia nos a mira Bo cu hamber y nos a duna Bo
di come. Of cu sed y nos a duna Bo di bebe. Y ki dia nos a mira bo como estranhero y nos a duna Bo posada.
Of sunu y nos a bisti Bo. Of ki dia nos a mira Bo malo of den prison y a bin serca Bo? Senor a contesta y bisa
nan: Di berdad mi ta bisa boso, cu tur locual boso a haci pa un di esnan di mas chikito di e rumannan aki di
Mi, ta pa mi boso a hacie. ( Mateo 25:34-40)

Cada biaha cu bo yuda bo prohimo, Dios ta corda riba bo, pasobra ora nos yuda otro nos ta cumpli cu e
boluntad di Dios, pasobra Hesus a bisa es cu haci boluntad di Dios esey ta Mi ruman. Y ora nos keda sin
yuda un di e chikito nan ta contra Señor nos a hacie. No tin nada mas grandi y bunita , ora nos pone tempu
disponibel pa boluntariamente yuda hende. Pasobra esey ta boluntad y agradable den bista di Dios.

Sinceremente, Pastor Marcel Balootje.

25