Page 51 - AHATA

E aerolinea ta kere cu e cambio aki lo ta un bon oportunidad pa pasaheronan por haci

mihor coneccion den e network di buelonan di Southwest, specialmente den e mercado

North East (New York y Boston) pa y for di Aruba.

For di 8 di Maart, 2018 Southwest lo opera servicio diario cu un avion tipo B737-700 cu

ta sali 10:45am for di Fort Lauderdale y ta yega Aruba 1:35 pm. E buelo di Aruba ta sali

tur dia 2:15 pm y ta yega 5:20 pm na Fort Lauderdale, brindando e pasaheronan e

oportunidad pa disfruta di e dia ainda na Fort Lauderdale of pa conecta cu un di e varios

destinacionnan di Southwest na Merca.

“Southwest tabata un socio fantastico desde prome dia, siendo un opcion competitivo pa

nos pasaheronan local y internacional. E cambio di e sitio di servicio lo ta di gran

beneficio, specialmente pa nos pasaheronan cu ta conecta cu otro buelo. Florida tabata y

lo keda un area popular pa biaheronan local y manera e competencia sigui crese, esaki lo

ta na ventaha di e pasaheronan. Nos ta hopi ansioso cu e servicio nobo y nos ta keda en

espera di mas biahe adicional den futuro for di nos aerolinea socio,” asina CEO di AAA

Sr. James Fazio a expresa.