Page 28 - MIN ARENDS

A30 LOCAL
Dialuna 30 OctOber 2017

1,4 miyon lo wordo traspasa pa e siguiente minister di Enseñansa

ORANJESTAD - Recientemente minister di Enseñansa a
ricibi for di man di minister di Financia y director di Financia
e rapport oficial di e Fondo pa Enseñansa. E rapport aki ta
subraya tur e fondonan ricibi, e proyectonan ehecuta y asina
ta duna un bista amplio di e cuenta financiero di e fondo. Tin
1,4 miyon cu a resta pa lo wordo traspasa pa e siguiente min-
ister di Enseñansa.

Esaki ta locual e minister di Enseñansa Michelle Hooyboer-
Winklaar ta informa den un relato.
E ta bisa cu el a acerca Departamento di Financia pa crea e
documento aki pa concretisa e responsabilisacion financiero
rekeri prome cu traspasa e cartera pa e siguiente Minister
di Enseñansa. “E siguiente paso cu por tuma ta pa e futuro
minister(s) di Enseñansa sigui midi e efectividad di e proyec-

tonan aki pa por logra e obhetivonan y avansa den nos sistema educativo.”
Director Financia ta splica, por uza e rapport aki como un ehempel pa otro fondonan di go-
bierno pa finalisa e proceso di responsabilisacion. E proyectonan di e Fondo ta varia, pero tur
ta alinea cu e obhetivo cu a pone 4 aña pasa den infrastructura, logro di nos studiantenan y
desaroyo profesional di maestronan y e presupuesto aproba pa parlamento di Aruba.

Minister Hooyboer-Winklaar ta duna informacion riba algun di e proyectonan financia cu e
Fondo di Enseñansa. A financia un total di mas cu 60 proyecto cu e fondo aki, tur cu ta cuadra
cu e vision stipula cuater aña pasa, e ta bisa. Entre nan ta varios trabou infrastructural cu a tuma
luga na varios scol, creacion di e Observatie Centrum na MDC cu ta duna muchanan cu por
sigui un curiculo regular pero bou guia special y e programa di GED cu lo duna esunnan 17
aña of mas, cu no a logra obtene un diploma secundario e posibilidad pa gradua y sigui ense-
ñansa avansa.