Page 23 - MIN.ON

AWEMainta Diasabra, 28 October 2017 21

Studiantenan di EPB San Nicolas y

Hato a haci bishita di orientacion na

Amsterdam Manor Beach Resort

DIANAN 25 y 27 di october di 2017 The Am-
sterdam Manor Beach Resort a ricibi un biaha mas
e studiantenan di EPB Hato y San Nicolas, pa haya
un rondleiding y orientacion tocante e diferente de-
partamento den e propiedad.
E bishita aki a bira un evento cu ta altamente anticipa
p’e studiantenan y ta un iniciativa cu ta tumando
lugar anualmente durante dos aña caba y unda cu e
obhetivo principal ta pa laga e studiantenan aprecia
e industria turistico; e diferente ramonan di studio
cu ta contribui n’e operación di un hotel, y asina
stimula nan interes pa nan tambe por forma parti di
e crecemento di Turismo di Aruba.

Diaranzon 25 di october tabata e turno pa 20 studi-
ante di EPB San Nicolas hunto cu nan mentornan y
diabierna 27 di october tabata e turno pa 25 studiante
di EPB Hato y respectivo nan mentor.
E tour a ser duna na Papiamento y nan a cubri e
structura general di e maneho di e propiedad, entre
e topiconan cu a ser toca tabata structura individual
di cada departamento, Dress Code p’e industria, e
aspecto di ta ‘service-minded’, disciplina na pia di
trabou, e posibilidadnan pa crece y por supuesto, pa
disfruta di nan labor.
Esaki ta duna e studiantenan e oportunidad di por
wak di serca con un hotel ta opera y nan por haya
un mihor bista di e industria, p’asina eventualmente
ora cu nan mester tuma decisionan di ki rumbo nan
kier bay den bida, nan por haci esaki cu un base so-
lido y bon informa di kico e industria di turismo ta
ofrece nan.
The Amsterdam Manor Beach Resort ta un hotel cu
ta contribui constantemente cu e sector di educacion
di Aruba y ta kere fielmente cu ora nos inverti den
educacion, nos no mester enfoca unicamente riba
recursonan económico, sino tambe den e recursonan
social (capital humano).