Page 44 - AVP

Den su discurso Mike Eman a indica pa duna tributo n’e firmantenan cu t’e tatanan di nos
pais. Como organisacionnan den pais, tanto Gobierno como organisacion, fundacion y
partidonan a para tur acto protocolario.

Sinembargo como acto di tributo ayera mainta Eman y su señora a pone un krans y un
flor chikito, humilde na pia di e monumento cu ta representa e tatanan di nos pais.

Mike Eman a hala atencion ora el a referi n’e crisis mundial cu Aruba tambe ta parti di
dje. El a haci un apelacion riba union, pa hunto, kitando diferencianan politico, pa mescos
cu a sosode ora Lago a cera na 1985, ora a drenta Status Aparte, etc., pa hunto nos supera
e momentonan aki.

Mike Eman ta considera cu e crisis actual lo por bira esun di mas pisa den historia di
Aruba, cu efecto riba salud publico, pero specialmente tambe cu un sla duro na nos
turismo y economia.

El a pidi pueblo pa ban ora hunto awe, pa nos pais, pa supera e crisis, pa tur cu tin reto cu
nan trabou awor y sin lubida riba su casa Doina cu mañan lo haya su di dos tratamento di
kimoterapia.