Page 45 - MIN TTC 5 SEPT 2015

B9 SOCIAL

Diasabra 5 September 2015

Departamento di Cultura Aruba

Entrega di premionan di San Juan Dera Gay y Arte di Palabra

ORANJESTAD – E siman aki Departamento di Cultura
Aruba (DCA) den nomber di ministerio di Cultura, a
haci entrega di diferente premionan relaciona cu fiesta
di San Juan Dera Gay y competencia di Arte di Palabra.
Pa e motibo aki, durante di e siman di Fiesta di San Juan, a or-
ganisa un competencia di pintura y obranan di man pa scolnan
basico. E scolnan a haci entrega di nan miho obranan di cual a wordo exhibi den sala di UN-
OCA riba Stadionweg pa un siman largo. Tur bishitantenan por a vota pa e miho obra di man
of pintura. A base di e votonan a saca e ganadonan cu ta prome y segundo premio di klas 1 te
cu 3 den pintura y obra di man. Tambe pa klasnan mas halto cu ta klas 4 te cu 6 a saca prome
y segundo premio den obra di man y pintura.
E scolnan cu a score mas tanto voto, a haya un premio di scolnan ganado cu a bay pa Colegio
Sagrado Curason na Savaneta.
Ganadonan di pintura ta:
- Patricia Alvarado di Scol Paso pa Futuro (Segundo luga Pintura di klasnan 1 te cu 3);
- Jaden Thijsen di Maria Goretti College (Prome luga Pintura di klasnan 1 te cu 3);
- Emma School Groep 2-A (Segundo luga Pintura di klasnan 4 te cu 6);
- Nigel Thijssen di Maria Goretti College (Prome luga Pintura di klasnan 4 te cu 6).
Ganadonan di Obra di man ta:
- Sue-Jean Croes di Puis X-School (Segundo luga Obra di Man di klasnan 1 te cu 3);
- Dwayne Webb di Scol Primario Kudawecha (Segundo luga Obra di Man di klasnan 4 te cu
6);
- Scol Paso pa Futuro Groep 7-B (Prome luga Obra di Man di klasnan 4 te cu 6);
- Javinah Besselink di Colegio Sagrado Curason (Prome Premio Obra di Man di klasnan 1
te cu 3).
E competencia di Arte di Palabra cu a tuma luga riba 7 di maart 2015 na Teresita Center, San
Nicolas. Un competencia di poesia y cuenta cortico na Papiamento. A haci entrega tambe di
premio na e scol ganado di Arte di Palabra (ADP) cu ta na Mon Plaisir College MAVO. Du-
rante e competencia di ADP, Rafael Garcia a score e punto maximo y esaki a pone cu su scol
a bira e ganado.
Mon Plaisir a ricibi di Comision ADP cu ta consisti di DCA, Fundacion Lanta Papiamento
(FLP) y Grupo Corector di Papiamento (GCP) un certificado di regalo di Sams na balor di
Awg.1.000,=
Comision di ADP ta gradici ATA cu a sponsor e suma aki pa e premio.
Departamento di Cultura ta felicita alabes gradici tur e ganadonan y e scolnan ganado cu a
participa na ambos evento. q